ഗായകനും റിയാലിറ്റി ഷോ താരവുമായ റോഷന് കെ സെബാസ്റ്റ്യന് വാഹനാപകടത്തില് ഗുരുതര പരിക്ക്; ഇടിയുടെ ആഘാതത്തില് കാര് പൂര്ണ്ണമായും തകര്ന്നു: രക്ഷാപ്രവർത്തനം നടത്തിയത് ശബ്ദം കേട്ട് ഓടിയെത്തിയ നാട്ടുകാരും പോലീസും ചേർന്ന്: ബസുകള് നിര്ത്തുന്നതിന് വേണ്ടി റോഡില് അശാസ്ത്രീയമായി നിര്മ്മിച്ച താഴ്ചയാണ് അപകട കാരണമെന്ന് നാട്ടുകാര്; തലയ്ക്ക് ഗുരുതരമായി പരിക്കേറ്റ റോഷൻ കഴിയുന്നത് ചാല മിംസ് ആശുപത്രിയിലെ തീവ്ര പരിചരണ വിഭാഗത്തിൽ- റോഷന്റെ തിരിച്ച് വരവിന് വേണ്ടി പ്രാർത്ഥനയോടെ ബന്ധുക്കളും സുഹൃത്തുക്കളും
ഗായകനും റിയാലിറ്റി ഷോ താരവുമായ റോഷന് കെ സെബാസ്റ്റ്യന് വാഹനാപകടത്തില് ഗുരുതരമായി പരിക്കേറ്റു. റോഡിലെ കുഴിയില് വീണ് നിയന്ത്രണം വിട്ട ലോറി കാറില് ഇടിച്ചാണ് പരിക്കേറ്റത്. കണ്ണൂര് എ കെ ജി ഹോസ്പിറ്റല് ബസ് സ്റ്റോപ്പിന് മുന്നില് ശനിയാഴ്ച പുലര്ച്ചെയാണ് അപകടമുണ്ടായത്. റോഷനും സഹോദരന് അശ്വിനും എറണാകുളത്ത് പരിപാടി അവതരിപ്പിക്കാനായി കാറില് പുറപ്പെട്ടതായിരുന്നു. അമിത വേഗതയില് എതിര്ദിശയില് നിന്ന് വന്ന ലോറി ഡിവൈഡര് മറികടന്ന് കാറില് ഇടിക്കുകയായിരുന്നു.
അപകടത്തിനുശേഷം വാഹനം തൊട്ടടുത്ത കടയിലേക്ക് പാഞ്ഞുകയറി. ഇടിയുടെ ആഘാതത്തില് കാര് പൂര്ണ്ണമായും തകര്ന്നു. ശബ്ദം കേട്ട് ഓടിയെത്തിയവരാണ് അപകടത്തില്പ്പെട്ടവരെ ആശുപത്രിയിലേക്ക് മാറ്റിയത്. തലയ്ക്ക് ഗുരുതരമായി പരിക്കേറ്റ റോഷനെ തീവ്രപരിചരണ വിഭാഗത്തില് പ്രവേശിപ്പിച്ചിരിക്കുകയാണ്. അപകടനില തരണം ചെയ്തുവെന്ന് ഡോക്ടര്മാര് പറഞ്ഞു. അശ്വിനും ഗുരുതര പരിക്കുണ്ട്. അപകടത്തില് കാറിന്റെ മുന്ഭാഗം പൂര്ണ്ണമായും തകര്ന്നു. ലോറി ഡ്രൈവര്ക്കെതിരെ കണ്ണൂര് ടൗണ് പോലീസ് കേസെടുത്തിട്ടുടുണ്ട് .
ലോറി ഡ്രൈവര് ഉറങ്ങി പോയതാണ് അപടകത്തിന് കാരണമെന്ന വിലയിരുത്തലുമുണ്ട്. ഐഡിയ സ്റ്റാർ സിംഗർ റിയാലിറ്റി ഷോ താരമായിരുന്ന റോഷൻ ഗാനമേളാരംഗത്തും സജീവമാണ്. അപകടത്തിന്റെ നടുക്കുന്ന ദൃശ്യങ്ങളും പുറത്ത് വന്നിട്ടുണ്ട്. ഐഡിയ സ്റ്റാര് സിംഗറിലൂടെയാണ് റോഷന് എന്ന ഗായകനെ മലയാളികള് അറിയുന്നത്. പരിപാടിയില് വിജയി ആയില്ലെങ്കിലും റോഷന്റെ പാട്ടുകള് പ്രേക്ഷക ശ്രദ്ധ നേടിയിരുന്നു. ഐഡിയ സ്റ്റാര് സിംഗറിന് ശേഷം ചലച്ചിത്ര ഗാന രംഗത്ത പിന്നണി ഗായകനായും ഗാനമേളകളിലും മറ്റ് സ്റ്റേജ് ഷോകളിലും താരമായി മുന്നേറുകയായിരുന്നു റോഷന്.
റോഷന്റെ തലയ്ക്കാണ് ഗുരുതരമായി പരിക്കേറ്റിരിക്കുന്നത്. ചാല മിംസ് ആശുപത്രിയില് തീവ്ര പരിചരണ വിഭാഗത്തിലാണ് റോഷന് ഇപ്പോള് ചികിത്സയില് കഴിയുന്നത്. റോഷന്റെ തിരിച്ച് വരവിന് വേണ്ടി വീട്ടുകാരും നാട്ടുകാരും സോഷ്യല് മീഡിയയും പ്രാര്ത്ഥനയിലാണ്. ചെട്ടിപ്പീടിക സ്വദേശികളായ ശശീന്ദ്രന്റെയും ഇന്ദിരയുടേയും മകനാണ് റോഷന്. ലോറിയുടെ ഡ്രൈവര് എകെജി ആശുപത്രിയില് ചികിത്സയിലാണ്.
https://www.facebook.com/Malayalivartha