ബോളിവുഡ് താരം ദീപിക പദുക്കോണിന്റെ അവധി ആഘോഷമാണ് ഇപ്പോള്‍ സോഷ്യല്‍ മീഡിയയിലെ സംസാരവിഷയം. താരം ഇന്‍സ്റ്റാഗ്രാമില്‍ ഫോട്ടോ അപ്‌ഡേറ്റുകള്‍ ചെയ്യുന്നുണ്ടെങ്കിലും എവിടെയാണ് അവധി ആഘോഷിക്കുന്നതെന്ന് ഇതുവരെ പുറത്തുവിട്ടിട്ടില്ല. വ്യക്തിഗത ജീവിതത്തെക്കുറിച്ച് അതീവ ജാഗ്രത പുലര്‍ത്തുന്ന ദീപികയും രണ്‍വീറും വെളിപ്പെടുത്താത്ത സ്ഥലത്ത് അവധിക്കാലം ആഘോഷിക്കുകയാണെങ്കിലും ഇന്‍സ്റ്റാഗ്രാമില്‍ സൂചനകള്‍ നല്‍കുന്നുണ്ട്. ഇന്‍സ്റ്റാഗ്രാമില്‍ 'ഹിസ് ആന്‍ഡ് ഹെര്‍സ് ' സീരീസ് ആരംഭിച്ച 34 കാരിയായ നടി, രണ്ട് സൈക്ലിംഗ് വ്യക്തി ഇമോജികള്‍ക്കൊപ്പം 'ടുസ് കമ്ബനി' എന്ന അടിക്കുറിപ്പോടെയാണ് ഒരു പുതിയ ഫോട്ടോ അപ്‌ലോഡ് ചെയ്തിരിക്കുന്നത്. നേരത്തെ, ബീച്ച് സ്ലിപ്പറുകളുടെ ഫോട്ടോ ആണ് പുറത്തുവിട്ടത്, താനും രണ്‍വീറും നിലവില്‍ കടല്‍ത്തീരത്ത് അവധിക്കാലം ആഘോഷിക്കുന്നു എന്ന സൂചന നല്‍കിയ ഫോട്ടോ ആയിരുന്നു അത്.