മോഹൻലാൽ നായകനായി എത്തുന്ന ബിഗ്‌ബോസ് രണ്ടാം ഭാഗം മാസങ്ങൾ പിന്നിട്ടിരിക്കുകയാണ്. ഏറെ നിരാശ പങ്കുവെച്ച നിമിഷങ്ങളുമായാണ് ബിഗ്‌ബോസ് കഴിഞ്ഞ ദിവസം കടന്നുപോയത്. ബിഗ് ബോസ്സിലെ ഉശിരേറിയ മത്സരാര്‍ത്ഥി പവന്‍ ജിനോ തോമസ് ബിഗ് ബോസില്‍ നിന്നും പുറത്തുപോയതാണ്പ്രേക്ഷകരെ വിഷമത്തിലാഴ്ത്തിയ സംഭവം. വൈല്‍ഡ് കാര്‍ഡ് എന്‍ട്രി വഴി ബിഗ് ബോസ് വീട്ടില്‍ എത്തിയ പവന്‍ വീടിനുളില്‍ ഒരു തരംഗം തന്നെയാണ് സൃഷ്ടിച്ചത്. മാത്രമല്ല തറവാട്ടിലെ കാരണവര്‍ രജിത് കുമാറുമായി പവനുണ്ടായിരുന്ന സൗഹൃദവും രജിത്തിന്റെ ഫാന്‍സിനു സന്തോഷമാണ് നല്‍കിയത്. ഇപ്പോള്‍ ബിഗ് ബോസ് വീട്ടില്‍ നിന്നും പുറത്തിറങ്ങിയ ശേഷം പ്രേക്ഷകര്‍ക്കായി നല്‍കിയ ലൈവിലാണ് പവന്‍ മനസ്സ് തുറന്ന് സംസാരിച്ചത്. രജിത് ചേട്ടന്‍ വിന്‍ ചെയ്യണം എന്ന് തന്നെയാണ് ആഗ്രഹം. ഫിസിക്കലി താന്‍ ഒരുപാട് ഡൌണ്‍ ആയത് കൊണ്ട് മാത്രമാണ് അദ്ദേഹത്തെ ഒറ്റക്ക് ആക്കിയിട്ട് ഇറങ്ങിയത്. പുറത്തിറങ്ങി നിങ്ങള്‍ തന്ന പിന്തുണ കണ്ട് ഒരുപാട് സങ്കടം ആയി എന്നെ പോലൊരു മനുഷ്യന് വേണ്ടി ഇത്രയും കഷ്ടപ്പെട്ടത് ഓര്‍ക്കുമ്ബോള്‍ ആണ് സങ്കടം. എനിക്ക് ആ പിന്തുണയ്ക്ക് ഒന്നും ചെയ്യാന്‍ കഴിഞ്ഞില്ലല്ലോ എന്നോര്‍ക്കുമ്ബോള്‍ വിഷമം കൂടുന്നുണ്ടെന്നും പവന്‍ ലൈവിലൂടെ പറയുന്നു. ഒന്നാം സ്ഥാനം വേണം എന്നില്ലായിരുന്നു. ടോപ് ഫൈവില്‍ വരണം എന്ന് മാത്രമായിരുന്നു ആഗ്രഹമെന്നും പവന്‍ വ്യക്തമാക്കി.