നൃത്തത്തിലൂടെയും ടിക് ടോക്കുകളിലൂടെയും ആരാധകരെ കയ്യിലെടുത്ത താരമാണ് സൗഭാഗ്യ വെങ്കിടേഷ്. താരാ കല്യാണിന്റെയും രാജാറാമിന്റെയും മകളാണ് സൗഭാഗ്യ. നൃത്തത്തിലും ടിക് ടോക് വീഡിയോകളിലുമൊക്കെ സൗഭാഗ്യയുടെ കൂട്ടായ അര്‍ജുനുമായി ഈയിടെയാണ് താരത്തിന്റെ വിവാഹ നിശ്ചയം കഴിഞ്ഞത്. ഇതിനുശേഷം ഇരുവരുടെയും വിവാഹവാര്‍ത്ത അറിയാനുള്ള ആകാംക്ഷയില്‍ ആയിരുന്നു ആരാധകര്‍. ഇപ്പോള്‍ വിവാഹത്തീയതി സൗഭാഗ്യ തന്നെ അറിയിച്ചിരിക്കുകയാണ്. ഈ മാസം 19, 20 തീയതികളില്‍ ഗുരുവായൂര്‍ ക്ഷേത്ര നടയില്‍ വെച്ചാണ് വിവാഹം.