സിനിമയുടെ ചിത്രീകരണത്തിനിടെ ചെന്നൈ പൂനമല്ലിയിലെ ഇ.വി.പി ഫിലിം സിറ്റിയില്‍ ബുധനാഴ്ച രാത്രി 9.10 നാണ് അപകടമുണ്ടായത്. വെളിച്ച സംവിധാനമൊരുക്കാനായെത്തിച്ച ക്രെയിന്‍ താഴേയ്ക്ക് പതിച്ചാണ് അപകടമുണ്ടായത്. ക്രെയിനിന് താഴെയുണ്ടായിരുന്ന ടെന്റ് പൂര്‍ണമായും തകര്‍ന്നു. ഇതിനുള്ളില്‍ കുടുങ്ങിയാണ് മൂന്നു പേരും മരിച്ചത്. സഹസംവിധായകന്‍ കൃഷ്ണ, കലാസംവിധാന സഹായി ചന്ദ്രന്‍, നിര്‍മ്മാണ സഹായി മധു എന്നിവരാണ് മരിച്ചത്. അതേസമയം ഇന്ത്യന്‍-2' എന്ന സിനിമ ചിത്രീകരണത്തിനിടെ മരിച്ച സാങ്കേതിക പ്രവര്‍ത്തകരുടെ കുടുംബങ്ങള്‍ക്ക് ഒരു കോടി രൂപ നല്‍കുമെന്ന് നടന്‍ കമല്‍ഹാസന്‍. മരിച്ചവര്‍ക്ക് ആദരാഞ്ജലികള്‍ അര്‍പ്പിച്ച ശേഷം കുടുംബത്തെയും ആശ്വസിപ്പിച്ചാണ് മൂന്നു പേരുടെയും കുടുംബങ്ങള്‍ക്ക് സഹായം നല്‍കുമെന്ന് കമല്‍ഹാസന്‍ വ്യക്തമാക്കിയത്. കേവലമൊരു സിനിമ സെറ്റിലല്ല ഈ അപകടം നടന്നത്, തന്റെ കുടുംബത്തിലാണ്. ഇനി ഇത്തരം അപകടങ്ങള്‍ ആവര്‍ത്തിക്കാതിരിക്കാന്‍ താന്‍ പറ്റാവുന്നതെല്ലാം ചെയ്യുമെന്നും കമല്‍ പറഞ്ഞു. പണം ഒന്നിനും പകരമാകില്ലെന്നും അവരുടെയെല്ലാം കുടുംബങ്ങള്‍ പാവപ്പെട്ടവരാണ്. താനും മൂന്നു വര്‍ഷം മുമ്ബ് അപകടത്തെ നേരിട്ടയാളാണെന്നും, അതിജീവിക്കാനുള്ള ബുദ്ധിമുട്ട് തനിക്കറിയാമെന്നും അദേഹം കൂട്ടിച്ചേര്‍ത്തു.