മലയാള ടെലിവിഷൻ പ്രേക്ഷകരുടെ പ്രിയ താരമാണ് പേളി മാണി. മലയാളികളുടെ പ്രിയപ്പെട്ട നടിയാണ് പേളിമാണി, ചുരുണ്ടമുടിക്കാരിയായ പേളിമാണി ബി​ഗ്ബോസില്‍ വന്നതിന് ശേഷം മലയാളികളുടെ ഇഷ്ടതാരമായി മാറുകയായിരുന്നു. പേരെടുത്ത അവതാരകയായും തിളങ്ങിയ താരമാണ് പേളി, വിവാഹശേഷം ശ്രിനീഷിനൊപ്പമുള്ള കിടിലന്‍ ഫോട്ടോസും താരം സോഷ്യല്‍ മീഡിയയില്‍ പങ്ക് വയ്ക്കാറുണ്ട്. അടിപൊളി മോഡേണ്‍ വേഷത്തിലും നാടന്‍ സുന്ദരി കുട്ടിയായെല്ലാം വേഷമണിഞ്ഞെത്തുന്ന പേളിയുടെ ചിത്രങ്ങള്‍ സോഷ്യല്‍ മീഡിയയില്‍ ഏറെ പങ്ക് വക്കപ്പെടാറുള്ളതാണ്. ഏറെ പ്രശസ്തമായ ബിഗ്‌ബോസ് ഒന്നാം സീസണിലൂടെയാണ് തന്റെ പ്രണയം പേളി കണ്ടെത്തിയത്. എന്നാല്‍ താരം പശുവിന് പുല്ലുകൊടുക്കുന്ന ഞാന്‍ എന്നു പറഞ്ഞാണ് പേളി പുതിയ വീഡിയോ പങ്കുവച്ചിരിക്കുന്നത്. പുല്ലല്ല അത് വൈക്കോലാണെന്നും കച്ചിയെന്നു വിളിക്കാമെന്നും തുടങ്ങി എണ്ണമറ്റ കമന്റുകളൊണ് താരത്തിന്റെ വീഡിയോയ്ക്ക് ലഭിയ്ക്കുന്നത്. എല്ലായ്പ്പോഴും മോഡേണ്‍ വേഷത്തിലെത്തുന്ന താരം ഇത്തവണ തനി നാടന്‍ പെണ്ണായി വന്നപ്പോള്‍ , തനി നാട്ടിന്‍പുറത്തുകാരിയായി കണ്ടതിന്റെ സന്തോഷത്തില്‍ ആരാധകര്‍ തങ്ങളുടെ സ്നേഹം അറിയിക്കുന്നും ഉണ്ട്. അടുത്തിടെയാണ് തമിഴ് റിയാലിറ്റി ഷോയിലൂടെ നടി വീണ്ടും മിനിസ്‌ക്രീന്‍ രംഗത്തേക്ക് തിരിച്ചെത്തിയത്. ഇത്തവണയും ഒരു ഡാന്‍സ് റിയാലിറ്റി ഷോയുടെ അവതാരകയായിട്ടാണ് പേളി എത്തിയിരുന്നത്. പേളിയുടെ പുതിയ റിയാലിറ്റി ഷോ മികച്ച സ്വീകാര്യത നേടി മുന്നേറികൊണ്ടിരിക്കുകയാണ്. തമിഴിലൂടെ തിരിച്ചുവരവ് നടത്തിയ പേളി ഇനി എന്നാണ് മലയാളത്തിലേക്ക് തിരിച്ചെത്തുകയെന്നുളള ആകാംക്ഷയിലാണ് ആരാധകര്‍.