എനിക്ക് എന്ത് ധരിക്കണമെന്നു തോന്നുന്നുവോ അത് ഞാന്‍ ധരിക്കുമെന്ന് നടി
ബോളിവുഡ് താരം പത്രലേഖയാണ് ഇപ്പോള്‍ സോഷ്യല്‍ മീഡിയയിലെ വിമര്‍ശകരുടെ ഇര. വസ്ത്രധാരണത്തിന്റെ പേരില്‍ താരം നേരിടുന്ന വിമര്‍ശനങ്ങള്‍ക്ക് കിടിലന്‍ മറുപടി നല്‍കിയിരിക്കുകയാണ് താരം. തനിക്കിഷ്ടമുള്ളത് ധരിക്കുമെന്നും അതില്‍ മാറ്റാരും ഇടപെടേണ്ടെന്നുമാണ് താരം പ്രതികരിച്ചത്. കിയാര അദ്വാനിയുടെ പുതുചിത്രം ഗില്‍റ്റിയുടെ പ്രദര്‍ശനം ഫെബ്രുവരി 4ന് മുംബൈയില്‍ നടന്നിരുന്നു. പ്രദര്‍ശനത്തിന് പത്രലേഖ ധരിച്ച വസ്ത്രമാണ് വിമര്‍ശനം നേരിട്ടത്. ബ്ലാക് ക്രോപ് ടോപ്പും ഡെനീമും ബ്ലാക് ജാക്കറ്റുമായിരുന്നു താരത്തിന്റെ വേഷം. സ്‌റ്റൈലിഷ് ലുക്കില്‍ പത്രലേഖ തിളങ്ങിയെങ്കിലും സോഷ്യല്‍ ലോകത്ത് വിമര്‍ശനമുയര്‍ന്നു. ഇതോടെയാണ് പ്രതികരണവുമായി താരം എത്തിയത്.''ഒരു സ്‌ക്രീനിങ്ങിനു വേണ്ടി ഞാന്‍ ഈ വസ്ത്രം ധരിച്ചു. ചില ഫാഷന്‍ ബ്ലോഗേഴസ് ഇതിനെക്കുറിച്ച് എഴുതി (അതിന് നന്ദിയുണ്ട്) പക്ഷേ, കമന്റുകളില്‍ വളരെ മോശം കാര്യങ്ങള്‍ എന്റെ ശ്രദ്ധയില്‍പ്പെട്ടു.
ഇത്തരം മോശം ചിന്തകളും വ്യക്തിപരമായ ആക്രമണങ്ങളും എന്നെ ഞെട്ടിച്ചു കളഞ്ഞു. എന്തിന് ഇതെന്റെ ശരീരം. എനിക്കിഷ്ടമുള്ളത് ഞാന്‍ ധരിക്കും. എന്നെ കാണാന്‍ മോശമാണെങ്കില്‍ അത് ആരേയും ബാധിക്കുന്ന കാര്യമല്ല. എന്റെ ശരീരം എന്റെ കവചം. എനിക്ക് എന്ത് ധരിക്കണമെന്നു തോന്നുന്നുവോ അത് ഞാന്‍ ധരിക്കും. എല്ലാവര്‍ക്കും സന്തോഷകരമായ വനിതാ ദിനം ആശംസിക്കുന്നു. ഇന്നും എന്നും ആഘോഷിക്കൂ. ഇന്ന് കരുത്തോടെ, നാളെ കൂടുതല്‍ കരുത്തോടെ.'' പത്രലേഖ വിമര്‍ശനം നേരിട്ട ചിത്രം പങ്കുവച്ച് കുറിച്ചു. സിറ്റി ലൈറ്റ്‌സ്, ലൗവ് ഗെയിംസ്, നാനൂ കി ജാനൂ എന്നീ സിനിമകളിലും ഏതാനും വെബ് ഷോകളിലും പത്രലേഖ അഭിനയിച്ചിട്ടുണ്ട്.
https://www.facebook.com/Malayalivartha
