ഒരു അവധി വീണു കിട്ടിയാല്‍ ആഘോഷമാക്കുന്ന ആളുകളാണ് താരങ്ങള്‍. എന്നാല്‍ അപ്രതീക്ഷിതമായി എത്തിയ കൊറോണ അവരുടെ നിത്യജീവിതത്തെയും ആകെ മാറ്റി മറിച്ചിട്ടുണ്ട്. ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് നടി ദീപിക പദുകോണിന്റെ ഇന്‍സ്റ്റഗ്രാം പോസ്റ്റാണ്. ഷൂട്ടിങ്ങ് തിരക്കില്‍ നിന്ന് തിരക്കിലേയ്ക്ക് ഓടികൊണ്ടിരിക്കുന്നതിനിടയില്‍ അപ്രതീക്ഷിതമായ വീണു കിട്ടിയ സമയം ഉപയോഗപ്പെടുത്തുകയാണ് താരം. 'കോവിഡ് 19 കാലത്തെ അദ്ധ്വാനം' എന്ന ക്യാപ്ഷനോടെയാണ് ദീപിക ചിത്രം പങ്കുവെച്ചിരിക്കുന്നത്. വസ്ത്രങ്ങള്‍ വലിച്ച് വാരിയിട്ട ചിത്രത്തിനൊപ്പം വാര്‍ഡ്രോബ് വൃത്തിയാക്കുന്നു എന്നും ദീപിക കുറിച്ചിട്ടുണ്ട്. താരത്തിന്റെ പോസ്റ്റ് വൈറലായിരിക്കുകയാണ്. സോഷ്യല്‍ മീഡിയയില്‍ സജീവമായ താരത്തിന് രസകരമായ കമന്റുകളാണ് ഇക്കുറിയും ലഭിക്കുന്നത്. ഭൂരിഭാഗം പേരും രണ്‍വീറിനെയാണ് അന്വേഷിക്കുന്നത്.സത്യത്തില്‍ ആരാ വൃത്തിയാക്കുന്നേ, രണ്‍വീര്‍ ആണോ എന്നുള്ള രസകരമായ ചോദ്യങ്ങളും ഉയരുന്നുണ്ട്.

പ്രേക്ഷരുടെ പ്രിയപ്പെട്ട താരജോഡികളാണ് രണ്‍വീറും ദീപിക പദുകോണും. ഒറ്റയ്ക്കുള്ള വിശേഷങ്ങള്‍ അറിയുന്നതിനേക്കാലും ആരധകര്‍ക്ക് ഇഷ്ടം ഇവരുടെ രണ്ടു പേരുടേയും വിശേഷങ്ങള്‍ അറിയാനാണ്. വിവാഹത്തിന് ശേഷ ഒരു ചെറിയ ഇടവേള എടുത്ത താരം വീണ്ടും സിനിമയില്‍ മടങ്ങി എത്തിയിരിക്കുകയാണ്. ഛപ്ക്ക് എന്ന ചിത്രത്തിലൂടെയായിരുന്നു ദീപികയുടെ മടങ്ങി വരവ്. ഗംഭീരമായ തിരിച്ച് വരവായിരുന്നു നടിയുടേത്.
പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന ദീപിക പദുകോണ്‍ ചിത്രമാണ് 83. രണ്‍വീര്‍ സിങ്ങിന്റെ നായികയായിട്ടാണ് ദീപിക ചിത്രത്തിലെത്തുന്നത്. ഇന്ത്യന്‍ ക്രിക്കറ്റ് ക്യാപ്റ്റനായിരുന്ന കപില്‍ ദേവിന്റെ ജീവിത കഥ പറയുന്ന ചിത്രമാണ് 83 കപിലായി രണ്‍വീര്‍ സിങ് എത്തുമ്‌ബോള്‍ ഭാര്യ റോമിയുടെ വേഷത്തിവാണ് ദീപിക എത്തുക. പദ്മാവദിന് ശേഷം ഇരുവരും ഒന്നിച്ചെത്തുന്ന ചിത്രമാണിത്. ദീപികരണ്‍വീര്‍ എന്നവര്‍ക്കൊപ്പം വന്‍ താരനിരയാണ് ചിത്രത്തില്‍ അണിനിരക്കുന്നത്. പുറത്തു വന്ന പോസ്റ്ററുകള്‍ക്ക് മികച്ച പ്രേക്ഷകഭിപ്രായമായിരുന്നു ലഭിച്ചിരുന്നത്.