കോവിഡ് ഭീതി... ഫെഫ്‌സിക്ക് 20 ലക്ഷം രൂപ സംഭാവന നല്‍കി നയന്‍താര
കോവിഡ് ഭീതിയില്‍ തമിഴ് സിനിമാ ഇന്‍ഡസ്ട്രിയില്‍ ജോലി ഇല്ലാതായ ദിവസ വേതനക്കാര്‍ക്കാണ് സംഭാവന നല്‍കിയിരിക്കുകയാണ് നയന്‍താര. ദിവസവേതനാടിസ്ഥാനത്തില്‍ ജോലി ചെയ്യുന്ന ഉപജീവനമാര്‍ഗം ഇല്ലാതായ ആളുകളെ സഹായിക്കാന്‍ താരങ്ങള്‍ മുന്നോട്ട് വരണമെന്ന് അഭ്യര്‍ഥിച്ച് ഫെഫ്‌സി പ്രസിഡന്റ് ആര്‍.കെ സെല്‍വമണി രംഗത്തെത്തിയിരുന്നു. രാജനികാന്ത്, സൂര്യ, കാര്‍ത്തി, വിജയ് സേതുപതി, ശിവകാര്‍ത്തികേയന്‍ തുടങ്ങി നിരവധി താരങ്ങള്‍ സാമ്ബത്തികസഹായവുമായി നേരത്തെ തന്നെ എത്തിയിരുന്നു. എന്നാല്‍ മുന്‍നിര നായികമാരും മറ്റു താരങ്ങളും സഹായം നല്‍കുന്നതില്‍ ഉപേക്ഷ കാണിക്കുന്നുവെന്ന് ആരോപണം ഉണ്ടായിരുന്നു. നയന്‍താരക്ക് പുറമേ ഐശ്വര്യ രാജേഷ് ഫിലിം എംപ്ലോയീസ് ഫെഡറേഷന്‍ ഓഫ് സൗത്ത് ഇന്ത്യക്ക് സാമ്ബത്തിക സഹായമായി ഒരു ലക്ഷം രൂപ കൈമാറിയിരുന്നു. ശ്രീപ്രിയയുടെ കുടുംബം മുഖ്യമന്ത്രിയുടേയും പ്രധാനമന്ത്രിയുടേയും ദുരിതാശ്വാസ ഫണ്ടിലേക്ക് 30 ലക്ഷം രൂപ സഹായം നല്‍കിയിട്ടുണ്ട്.
https://www.facebook.com/Malayalivartha
