ബോളിവുഡ് താരം സമീറ റെഡ്ഡി കൊറോണക്കാലം വീടിനകത്ത് മക്കളുടെ കുസൃതികള്‍ കണ്ടും മക്കള്‍ക്കൊപ്പം കളിച്ചും ചെലവഴിക്കുകയാണ്. തിരക്കുകള്‍ക്കിടയില്‍ മക്കളോടൊപ്പം ആഘോഷിക്കാന്‍ കിട്ടിയ സമയം എന്നോണം മകളുടെ ഒരു വീഡിയോ ആരാധകര്‍ക്കായി പങ്കുവയ്ക്കുകയാണ് താരം ഇപ്പോള്‍. 'ബേബി പി.ടി ഉഷ ഫുള്‍ സ്പീഡിലാണ്, നിങ്ങള്‍ക്കു കഴിയുമെങ്കില്‍ പിടിക്കൂ,' എന്നാണ് വീഡിയോ പങ്കുവച്ചുകൊണ്ട് സമീറ കുറിക്കുന്നത്. മുട്ടിലിഴഞ്ഞ് വേഗത്തില്‍ നീങ്ങുന്ന മകളെയും വീഡിയോയില്‍ കാണാം.

മകന്‍ ഹന്‍സ് വര്‍ദെയെ ഹാന്‍ഡ് വാഷ് രീതി പഠിപ്പിക്കുന്ന വീഡിയോയും മുന്‍പ് സമീറ പങ്കുവച്ചിരുന്നു. ഒടുവില്‍ ഞങ്ങളത് ശരിയായി ചെയ്തു എന്നാണ് സമീറ പറയുന്നത്. അമ്മയുടെ നിര്‍ദേശങ്ങള്‍ക്ക് അനുസരിച്ച് ഹാന്‍ഡ് വാഷ് രീതി അനുകരിക്കുന്ന കുഞ്ഞ് ഹന്‍സിനെയും വീഡിയോയില്‍ കാണാം. രണ്ടാമത്തെ മകളെ ഗര്‍ഭിണിയായിരിക്കുന്ന കാലത്ത് നടത്തിയ അണ്ടര്‍വാട്ടര്‍ ഫോട്ടോഷൂട്ട് ആണ് സമീറ റെഡ്ഡിയെ വീണ്ടും വാര്‍ത്തകളില്‍ ശ്രദ്ധേയയാക്കിയത്. തുടര്‍ന്ന് മകളുടെ ജനനവും ചിത്രങ്ങളും കുടുംബവിശേഷങ്ങളുമൊക്കെ സമൂഹമാധ്യമങ്ങളിലൂടെ ആരാധകരുമായി പങ്കുവയ്ക്കാറുണ്ട് താരം.