വണ് വേള്ഡ് ടുഗദര് അറ്റ് ഹോമില് ഇന്ത്യയെ പ്രതിനിധീകരിച്ച് ഷാരൂഖും പ്രിയങ്കയും
കൊവിഡ് വ്യാപനത്തില് അതീവ ജാഗ്രതയിലാണ് ലോക രാജ്യങ്ങള്. കൊറോണ വൈറസിന്റെ സമൂഹ വ്യാപനം തടയാനായി ജനങ്ങളോട് വീടുകളില് തുടരാണ് അധികൃതര് നിര്ദ്ദേശിക്കുന്നത്. കൊറോണ വൈറസ് ഭീതിയില് ദുരതിമനുഭവിക്കുന്നവര്ക്ക് സഹായവുമായി നിരവധി കലാകാരന്മാര് രംഗത്തെത്തിയിട്ടുണ്ട്. ലോകത്തെ സാമ്പത്തികമായി സഹായിക്കാന് ആവശ്യമായ ഫണ്ട് സമാഹരിക്കുന്നതിനായി വണ് വേള്ഡ് ടുഗദര് അറ്റ് ഹോം എന്ന ഒരു ലൈവ് പ്രേഗ്രാം സംഘടിപ്പിക്കുന്നുണ്ട്. ലോകത്തുള്ള വിവിധ കലാകാരന്മാര് പരിപാടിയില് പങ്കെടുക്കും കൊറോണ വൈറസിനോടുളള പേരാട്ടത്തില് ലോകാരോഗ്യസംഘടനയോട് ഐക്യദാര്ഢ്യം പ്രഖ്യാപിച്ചു കൊണ്ടാണ് വണ് വേള്ഡ് ടുഗദര് അറ്റ് ഹോം സംഘടിപ്പിക്കുന്നത്. ലോകമെമ്പാടുമുള്ള പ്രമുഖ കലാകാരന്മാര് പങ്കെടുക്കുന്ന പരിപാടിയില് ഇന്ത്യയെ പ്രതിനിധീകരിച്ച് നടി പ്രിയങ്ക ചോപ്രയും നടന് ഷാരൂഖ് ഖാനും പങ്കെടുക്കും. ജോണ് ലെജന്റ്, എല്ട്ടണ് ജോണ്, ലേഡി ഗാഗ, ഡേവിഡ് ബെക്കാം, ഇഡ്രിസ് എല്ബ തുടങ്ങിയവര് തത്സമയ പരിപാടിയില് ചേരും. ഏപ്രില് 18 ന് പ്രക്ഷേപണം ചെയ്യുന്നത്. സ്റ്റീഫന് കോള്ബെര്ട്ട്, ജിമ്മി ഫാലോണ്, ജിമ്മി കിമ്മല് എന്നിവരാണ് ഷോയുടെ അവതാരകരായി എത്തുന്നത്. അതേസമയം രാജ്യമെമ്പാടും ലോക്ക് ഡൗണിലായിരിക്കവെ താരങ്ങളുടെ ലോക്ക്ഡൗണ് ജീവിതങ്ങളും പരിപാടിയിലൂടെ സംപ്രേക്ഷണം ചെയ്യും.
ലോകത്ത് ഇതുവരെ 190 ലേറെ രാജ്യങ്ങളില് കൊറോണ വൈറസ് വ്യാപിച്ചതായാണു കണക്ക്. ലോകാരോഗ്യ സംഘടന ബുധനാഴ്ച ആഗോളതലത്തില് 10 ലക്ഷത്തോളം രോഗബാധിതരുണ്ടെന്ന് സ്ഥിരീകരിച്ചു. എന്നാല്, ഇത്രയൊക്കെയായിട്ടും 18 രാജ്യങ്ങളില് കൊവിഡ് 19 എത്തിയിട്ടില്ലെന്നാണ് റിപോര്ട്ടുകള്. ഏപ്രില് 2ന് പ്രസിദ്ധീകരിച്ച ബിബിസിയുടെ കണക്കനുസരിച്ചാണിത്.
https://www.facebook.com/Malayalivartha