ലാല് സാര്..അങ്ങ് ഒരു അവസരം തന്നില്ലാരുന്നു എങ്കില്... ഞാന് അഭിനയരംഗത്ത് എത്തിയിട്ട് എട്ട് വര്ഷമെന്ന് അനുശ്രീ
മലയാളികള്ക്ക് സുപരിചിതയായ നടിയാണ് അനുശ്രീ. തന്റെതായ ശൈലിയിലൂടെ ആരാധകരുടെ മനം കവര്ന്ന താരം, അഭിനയരംഗത്ത് എത്തിയിട്ട് എട്ട് വര്ഷം പിന്നിടുന്നു. റിയാലിറ്റി ഷോയില് മല്സരാര്ത്ഥിയായി പങ്കെടുത്ത ശേഷമാണ് അനുശ്രീ സിനിമയിലേക്ക് എത്തിയത്. ഡയമണ്ട് നെക്ലേസ് എന്ന ചിത്രത്തിലൂടെ മലയാളത്തില് അരങ്ങേറ്റം കുറിച്ച താരമാണ് അനുശ്രീ. ചിത്രത്തില് ഫഹദ് ഫാസിലിന്റെ മൂന്ന് നായികമാരില് ഒരാളായിട്ടാണ് നടി എത്തിയിരുന്നത്. അരങ്ങേറ്റ ചിത്രത്തില് തന്നെ മികച്ച പ്രകടനമാണ് നടി കാഴ്ചവെച്ചിരുന്നത്. ഡയമണ്ട് നെക്ലേസ് പുറത്തിറങ്ങിയിട്ട് ഏട്ട് വര്ഷമായിരിക്കുകയാണ്. സിനിമയുടെ ഏട്ടാം വാര്ഷികത്തില് ലാല്ജോസിന് നന്ദി പറഞ്ഞുകൊണ്ടുളള അനുശ്രീയുടെ ഇന്സ്റ്റഗ്രാം പോസ്റ്റ് വൈറലായി മാറിയിരുന്നു.
അനുശ്രീയുടെ ഇന്സ്റ്റഗ്രാം പോസ്റ്റ്
ലാല്ജോസ് മേച്ചേരി എന്ന സംവിധായകനിലൂടെ ....എന്റെ ലാല് സാര് എനിക്ക് നല്കിയ അവസരത്തിലൂടെ..സിനിമ എന്ന മായാലോകത്തിലേക്കു ഞാന് വന്നിട്ടു 8വര്ഷം...എന്റെ ആദ്യ സിനിമ റിലീസ് ആയതു 8വര്ഷം മുന്നേ ഉള്ള ഈ ദിവസം ആണ് ...ലൊക്കേഷനിലേക്ക് ഞാന് ആദ്യം ചെന്ന നിമിഷം,എന്റെ ആദ്യത്തെ ഷൂട്ടിംഗ് നിമിഷം ,ആദ്യമായി ഡബ്ബിങ് ചെയ്തത്,തീയേറ്ററില് എന്നെ ഞാന് ആദ്യമായി കണ്ടത് എല്ല്ലാം എല്ലാം എല്ലാം ഇപ്പഴും മനസ്സില് ഉണ്ട് ..എല്ലാവരോടും ഒരുപാട് നന്ദി ..എന്നെ സ്നേഹിച്ചതിനും സപ്പോര്ട്ട് തന്നതിനും ...പ്രത്യേകിച്ച് ലാല്സാറിനോട് ..ലാല് സാര്..അങ്ങ് ഒരു അവസരം തന്നില്ലാരുന്നു എങ്കില് ഞാന് ഇങ്ങനെ ഒന്നും ആകില്ലാരുന്നു ...ഒരുപാടു ഒരുപാടു നന്ദി അങ്ങയോടാണ്. അനുശ്രീ ഇന്സ്റ്റഗ്രാമില് കുറിച്ചു.
ഡയമണ്ട് നെക്ലേസിന് പിന്നാലെ മോളിവുഡിലെ മുന്നിര താരങ്ങളുടെയെല്ലാം നായികയായി അനുശ്രീ തിളങ്ങിയിരുന്നു. കഴിഞ്ഞ വര്ഷം മമ്മൂട്ടിയുടെ നായികയായി മധുരരാജയിലും നടി തിളങ്ങിയിരുന്നു. പ്രതി പൂവന് കോഴി, മൈ സാന്റ തുടങ്ങിയ സിനിമകളായിരുന്നു അനുശ്രീയുടെതായി ഒടുവില് തിയ്യേറ്ററുകളിലേക്ക് എത്തിയത്. മോളിവുഡില് നായികയായും സഹനടിയായുമെല്ലാം അഭിനയിച്ച താരമാണ് അനുശ്രീ. ഇരുപത്തഞ്ചിലധികം സിനിമകളില് അനുശ്രീ മലയാളത്തില് അഭിനയിച്ചിരുന്നു.
https://www.facebook.com/Malayalivartha
