കൊറോണ ദുരിതമനുഭവിക്കുന്നവര്ക്കുവേണ്ടി ബോളിവുഡ് താരങ്ങള് സമാഹരിച്ചത് 52 കോടി
കൊറോണയെ തുടര്ന്ന് രാജ്യം ലോക്ഡൗണിലായതോടെ ദുരിതമനുഭവിക്കുന്നവര്ക്ക് കൈത്താങ്ങാകാന് 'ഐ ഫോര് ഇന്ത്യ'യുമായി ബോളിവുഡ് രംഗത്ത്. താരങ്ങളും, ചലച്ചിത്രപ്രവര്ത്തകരും സംഗീതജ്ഞരും ഗായകരും കായികതാരങ്ങളുമെല്ലാം ഒത്തു ചേര്ന്നാണ് 'ഐ ഫോര് ഇന്ത്യ' എന്ന നാലു മണിക്കൂറോളം നീണ്ട ഡിജിറ്റല് മെഗാ ഷോ നടത്തിയത്. വിവിധ ഡിജിറ്റല് പ്ലാറ്റ്ഫോമുകളില് സംപ്രേക്ഷണം ചെയ്ത പരിപാടിയിലൂടെ 52 കോടിയോളം രൂപയാണ് ഇവര് സമാഹരിച്ചത്.
കോവിഡിനെ ഇന്ത്യ അതിജീവിക്കും എന്ന സന്ദേശം പങ്കുവെക്കുന്ന ഹിന്ദി കവിത ആലപിച്ചുകൊണ്ട് കലാപരിപാടികള്ക്ക് തുടക്കമിട്ടത് അക്ഷയ് കുമാറായിരുന്നു. അമിര് ഖാനും ഭാര്യ കിരണ് റാവുവും പഴയ ബോളിവുഡ് ഗാനങ്ങള് പാടി. ഷാരൂഖ് ഖാന് മകന് അബ്രമിനൊപ്പമുള്ള വിഡിയോ പങ്കുവയ്ക്കുകയും റാപ് ഗാനം അവതരിപ്പിക്കുകയും ചെയ്തു. സക്കീര് ഹുസൈന്, സരോദ് വിസ്മയം അംജദ് അലി ഖാന്, സിത്താര് വാദക അനുഷ്ക ശങ്കര് എന്നിങ്ങനെ ഇന്ത്യന് ക്ലാസിക്കല് സംഗീതരംഗത്തെ പ്രതിഭകളും ഐ ഫോര് ഇന്ത്യയുടെ ഭാഗമായി.
അമിതാഭ് ബച്ചന്, പ്രിയങ്ക ചോപ്ര, കരീന കപൂര്, അക്ഷയ് കുമാര്, അമീര് ഖാന്, കിരണ് റാവു, സോയ അക്തര്, കരണ് ജോഹര്, വിദ്യാ ബാലന്, ശബാന ആസ്മി, ഐശ്വര്യ റായ് ബച്ചന്, അര്ജുന് കപൂര്, സെയ്ഫ് അലി ഖാന്, റാണി മുഖര്ജി, കത്രീന കയ്ഫ്, വിക്കി കൗശല്, അനുഷ്ക ശര്മ്മ, ആയുഷ്മാന് ഖുരാന, എ.ആര്.റഹ്മാന്, ജാവേദ് അക്തര്, ശങ്കര്എഹ്സാന്ലോയ്, സോനു നിഗം, അര്ജിത് സിങ്, രോഹിത് ശര്മ്മ, സാനിയ മിര്സ തുടങ്ങി വന് താരനിര തന്നെ ഐ ഫോര് ഇന്ത്യയില് പങ്കു ചേര്ന്നു. താരങ്ങള് നടത്തിയ കലാപ്രകടനങ്ങള് പലതും ഇപ്പോള് സമൂഹമാധ്യമങ്ങളില് വൈറലാണ്.
https://www.facebook.com/Malayalivartha