ലോക്കര്റൂം സംഭവത്തില് രൂക്ഷ വിമര്ശന വുമായി ബോളിവുഡ് താരങ്ങള്
ലോക്കര് റൂം എന്ന ഇന്സ്റ്റഗ്രാം ചാറ്റ് റൂമില് സ്കൂള് വിദ്യാര്ഥിനികളെ ലൈംഗിക പീഡനത്തിനിരയാക്കുന്നതിനെക്കുറിച്ച് ചര്ച്ച നടത്തിയ വിദ്യാര്ഥിസംഘത്തെക്കുറിച്ചുള്ള വാര്ത്തകള് പുറത്ത് വന്നത് എല്ലാവരെയും ഞെട്ടിപ്പിച്ചതാണ്. ഈ സംഭവത്തില് രൂക്ഷ വിമര്ശനവുമായി ബോളിവുഡ് താരങ്ങള് രംഗത്ത്. സോനം കപൂര്, സിദ്ധാര്ഥ് ചതുര്വേദി, സ്വര ഭാസ്കര് തുടങ്ങിയവര് സമൂഹ മാധ്യമത്തിലൂടെ പ്രതികരിച്ചു.
ആണ്കുട്ടികള് ഇങ്ങനെ നശിച്ചു പോയതിന്റെ ഉത്തരവാദിത്തം മാതാപിതാക്കള്ക്കാണെന്ന് നടി സോനം കപൂര് പറയുന്നു. മനുഷ്യരോട് ബഹുമാനമില്ലാത്ത തരത്തില് സ്വന്തം കുട്ടികളെ വലുതാക്കിയ മാതാപിതാക്കളും ഒരുപോലെ കുറ്റക്കാരാണെന്ന് സോനം പങ്കുവച്ചു.
വിഷം വമിക്കുന്ന ആണത്ത ബോധം ചെറുപ്പത്തില് തന്നെ കുട്ടികളെ ഏങ്ങിനെ പിടികൂടും എന്നതാണ് ലോക്കര് റൂം സംഭവം നമുക്ക് കാണിച്ചു തരുന്നത്. മാതാപിതാക്കളും അധ്യാപകരും ഈ പ്രശ്നത്തെ ഗൗരവത്തോടെ സമീപിക്കണം. ബലാത്സംഗം ചെയ്തയാളെ തൂക്കിക്കൊല്ലുന്നതല്ല, ബലാത്സംഗം ചെയ്യുന്നവരെ സൃഷ്ടിച്ചെടുക്കുന്ന മാനസികാവസ്ഥയെയാണ് നാം കടന്നാക്രമിക്കേണ്ടത്' സ്വര കുറിക്കുന്നു.
https://www.facebook.com/Malayalivartha
