പ്രേമം വന്നത് ഹിന്ദിയില്‍ നിന്നോ? ഹിന്ദി ചിത്രം ചുരണ്ടിയെടുത്തതാണ് പ്രേമമെന്ന ചര്‍ച്ചകള്‍ക്ക് തീപിടിക്കുന്നു
ഈ വര്‍ഷത്തെ ഏറ്റവും വലിയ ഹിറ്റായ പ്രേമം വീണ്ടും വിവാദത്തില്‍. പ്രേമം ബോളിവുഡ് ചിത്രമായ ഹണ്ടറിന്റെ കോപ്പിയാണെന്നാണ് പുതിയ വിവാദം. സോഷ്യല്‍ മീഡിയയിലാണ് ഇത്തരമൊരു ആരോപണം ഉയര്‍ന്നിരിക്കുന്നത്. നായകന്റെ യൗവനത്തിലെയും കൗമാരത്തിലെയും മൂന്ന് പ്രണയങ്ങളാണ് ഹണ്ടറിന്റെയും പ്രമേയം. ചൂടന്‍ രംഗങ്ങളുടെ ആധിക്യം കാരണം ചിത്രത്തിന് എ സര്‍ട്ടിഫിക്കറ്റാണ് ലഭിച്ചത്. അതുകൊണ്ടു തന്നെ ചിത്രം അധികം ശ്രദ്ധിക്കപ്പെട്ടില്ല.
ഈ ചിത്രം ചുരണ്ടി അല്‍ഫോണ്‍സ് പുത്രന്‍ പ്രേമമാക്കി മാറ്റുകയായിരുന്നു എന്നാണ് സോഷ്യല്‍ മീഡിയയുടെ ആരോപണം. സിനിമയുടെ പശ്ചാത്തലം മേക്കിംഗ് സ്‌റ്റൈല്‍ എല്ലാം ഹണ്ടറില്‍ നിന്ന് കടം കൊണ്ടതാണെന്നും സോഷ്യല്‍ മീഡിയയിലെ സിനിമാ പ്രേമികള്‍ ആരോപിക്കുന്നു. മേരി, മലര്‍ മിസ്, സെലിന്‍ എന്നിങ്ങനെ ജോര്‍ജിന് പ്രേമം തോന്നിയ കഥാപാത്രങ്ങളെല്ലാം ഏതാണ്ട് സമാന രീതിയില്‍ തന്നെ ഹണ്ടറിലുമുണ്ട്. ജോര്‍ജിന്റെ സുഹൃത്തുക്കളായ ശംഭു, കോയ എന്നീ കഥാപാത്രങ്ങളും മറ്റൊരു രൂപത്തില്‍ ചിത്രത്തിലുണ്ട്.
ഈ വര്‍ഷം മാര്‍ച്ച് 20ന് ആണ് ഹണ്ടര്‍ തീയറ്ററുകളില്‍ എത്തിയത്. രണ്ട് മാസങ്ങള്‍ക്ക് ശേഷം മെയ് 29ന് പ്രേമവും തീയറ്ററുകളിലെത്തി. രണ്ട് മാസത്തിനകം എങ്ങനെ ചിത്രം കോപ്പിയടിച്ച് പുതിയ ചിത്രമാക്കുമെന്ന് പ്രേമം അനുകൂലികളും ചോദിക്കുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
