മോഹന്ലാലാകാന് പറ്റില്ലെന്ന് ഫഹദ്
കുറേ നാളുകള്ക്ക് മുമ്പ് ഒരു സംവിധായകന് ഫഹദിനെ സമീപിച്ചു;. മുമ്പ് മോഹന്ലാല് ചെയ്ത ഒരു സിനിമ റീമേക്ക് ചെയ്യണമെന്നായിരുന്നു ആവശ്യം. പറ്റില്ലെന്ന് തീര്ത്തും പറഞ്ഞു. തന്നെക്കൊണ്ട് കഴിയുകയുമില്ല. ലാലേട്ടന്റെ ആക്ടിംഗ് എന്ജോയ് ചെയ്യാനാണ് ശ്രമിച്ചിട്ടുള്ളത്. അദ്ദേഹത്തിന്റെ സ്വാധീനം ആക്ടിംഗില് കടന്നുവരാതിരിക്കാന് ശ്രദ്ധിച്ചിട്ടുണ്ട്. ആക്ടിംഗിനെ സത്യസന്ധമായി സമീപിക്കാനാണ് എന്റെയും ശ്രമം- ഫഹദ് ഫാസില് വ്യക്തമാക്കി.
ഫഹദ് ലാലിന്റെ കടുത്ത ആരാധകനാകുന്നത് ഗാന്ധിനഗര് സെക്കന്റ് സ്ട്രീറ്റ് എന്ന സിനിമ കണ്ടശേഷമാണ്. അതിലെ പ്രകടനത്തെക്കുറിച്ച് പറയേണ്ടത്. ഒറ്റവാക്കില് ഗ്രേറ്റ്. വിസ്മയിപ്പിച്ചിട്ടുള്ള, അതിശയിപ്പിച്ചിട്ടുള്ള നടനാണ് ലാല്. ക്യാമറയ്ക്ക് മുന്നിലാണ് ആ മാജിക് സംഭവിക്കുന്നത്. അത് എന്താണെന്ന് അദ്ദേഹത്തിന് മാത്രമേ അറിയൂ. അല്ലാത്ത സമയങ്ങളില് അദ്ദേഹം വളരെ കോണ്സ്റ്റന്ഡാണ്. നടത്തവും സംസാരവും ചിരിയുമെല്ലാം എന്നും എപ്പോഴും ഒരുപോലെ. പക്ഷേ ക്യാമറയ്ക്ക് മുന്നില് അദ്ദേഹം മറ്റൊരാളായി മാറുകയാണ്.
\'ദൃശ്യ\'ത്തില് കണ്ടതുപോലെയാകില്ല \'കിരിടീ\'ത്തില്. \'നോക്കെത്താ ദൂരത്തില് കണ്ടതുപോലെയാകില്ല \'രാജാവിന്റെ മകനി\'ല്. \'തേന്മാവില് കൊമ്പത്തി\'ല് കണ്ടതുപോലെയാകില്ല \'ഗാന്ധിനഗര് സെക്കന്റ് സ്ട്രീറ്റി\'ല്. അതുകൊണ്ട് ഒരു താരതമ്യപഠനത്തിന് സാദ്ധ്യതയില്ല. അതുകൊണ്ട് ആ മാജിക്കിനെക്കുറിച്ച് പറയാന് ലാലേട്ടന് മാത്രമേ കഴിയൂ - ഫഹദ് പറഞ്ഞു.
ഒരിക്കലുമൊരു സൂപ്പര് സ്റ്റാറിന് സ്ക്രീനില് നിസഹായനാകാന് കഴിയില്ല. പക്ഷേ ദൃശ്യത്തില് മോഹന്ലാലിന് അത് വളരെ വേഗം സാധിച്ചെടുത്തു. ജോര്ജ്ജുകുട്ടിയുടെ കുടുംബത്തെ സഹായിക്കണമെന്ന് സിനിമ കണ്ടിരിക്കുന്നവര്ക്കുപോലും തോന്നിപ്പോവുകയാണ്. അതൊരു പ്രതിഭയുടെ മിടുക്ക് തന്നെയാണ്. നോക്കെത്താ ദൂരത്ത് കണ്ണും നട്ടാണ് ലാലേട്ടന്റെ എനിക്കിഷ്ടപ്പെട്ട മറ്റൊരു സിനിമ. അതിലെ നായികയായ ഗേളിയെ ശ്രീകുമാര് ആദ്യം കാണുന്നത് മുഖംമൂടി വച്ചിട്ടാണ്. പിന്നീടാണ് ഗേളി ഒരു രോഗിയാണെന്ന് ശ്രീകുമാര് അറിയുന്നത്. ഗേളിയെ വിദഗ്ദ്ധ ചികിത്സയ്ക്കായി കൊണ്ടുപോകുന്നതിന് മുമ്പ് ശ്രീകുമാര് അവളുടെ മുറിയില് പോയി സാധനങ്ങള് എടുത്ത് പായ്ക്ക് ചെയ്യുന്ന രംഗമുണ്ട്. അപ്പോള് ഒരു മുഖംമൂടി താഴെ വീഴുകയാണ്. ആ മുഖം മൂടി എടുത്ത് ശ്രീകുമാര് അതിലേക്ക് ഒന്ന് നോക്കുന്നുണ്ട്. ആ സമയം മുഖംമൂടിക്ക് ജീവന് വയ്ക്കുകയാണെന്ന് തോന്നിപ്പോകും. മലയാളത്തിലെ ഏതെങ്കിലും ഒരു നടന് ഇതുപോലെ ചെയ്യാന് കഴിയുമോ എന്നെനിക്കറിയില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
