ജനപ്രിയ നായകന്റെ പരാജയത്തിന് പിന്നില് ഞാനല്ല
ജനപ്രിയ നായകന് ദിലീപിന്റെ തുടര്ച്ചയായുണ്ടാകുന്ന പരാജയങ്ങള്ക്ക് സുഹൃത്തുക്കള് ഉത്തരവാദികളല്ലെന്ന് ദിലീപിന്റെ ആത്മമിത്രമായ നാദിര്ഷ. മിമിക്രികാലം തൊട്ടേ ദിലീപിന്റെ പ്രശ്നങ്ങളിലും ആഹ്ലാദങ്ങളിലും കൂടെ നിന്നയാള് എന്ന നിലയില് അദ്ദേഹത്തിന്റെ പ്രൊജക്ടുകളെ കുറിച്ചും അഭിപ്രായം പറയാറുണ്ട്. എന്നാല് ഒരു സുഹൃത്ത് എന്നതിനപ്പുറത്തുള്ള ഇടപെടലുകള് നടത്താറില്ലെന്നും അത്തരത്തിലുള്ള ആക്ഷേപങ്ങള് തെറ്റാണെന്നും നാദിര്ഷാ വ്യക്തമാക്കി.
ദിലീപിന്റെ സിനിമകളെ കുറിച്ച് അഭിപ്രായം പറയാറുണ്ട്. ചെയ്യാന് പോകുന്ന പ്രൊജക്ടുകളെ കുറിച്ച് അദ്ദേഹത്തിന് തന്നെ വ്യക്തമായ നിലപാടുകളുണ്ട്. പ്രത്യേകിച്ചും, അയലത്തെ വീട്ടിലെ പയ്യന് എന്ന നിലയിലുള്ള ഇമേജിനെ നിലനിര്ത്തുന്ന വേഷങ്ങളാണ് അദ്ദേഹം ചെയ്യാറുള്ളത്. ചെയ്യാന് പോകുന്ന സിനിമകളുടെ തിരക്കഥകള് ദിലീപ് തിരുത്തുമെന്നും അതിനായി സുഹൃത്തുക്കളെ ആശ്രയിക്കുമെന്നുമൊക്കെയുള്ള ആക്ഷേപങ്ങള് ഉയര്ന്നിട്ടുണ്ട്. അതു ശരിയല്ല. എന്നാല് ദിലീപ് തിരക്കഥ തിരുത്തുമെന്ന് പറയുന്നവര് അദ്ദേഹം ചെയ്ത് വിജയിപ്പിച്ച, പരാജയപ്പെടുമായിരുന്ന നിരവധി ചിത്രങ്ങളുടെ പട്ടിക കൂടി പരിശോധിക്കണം. പരാജയപ്പെടുമായിരുന്ന എത്രയോ ചിത്രങ്ങളുടെ തിരക്കഥയില് ദിലീപ് നിര്ദ്ദേശിച്ച മാറ്റങ്ങള് ഉള്ക്കൊള്ളിച്ചതു കൊണ്ടുമാത്രം വിജയിച്ചുപോയിട്ടുണ്ടെന്ന് സുഹൃത്ത് എന്ന നിലയില് എനിക്കറിയാം.
തന്റെ നേതൃത്വത്തില് പുറത്തിറക്കിയിരുന്ന ദേ മാവേലി കൊമ്പത്ത് എന്ന ഓണക്കാല മിമിക്രി ആല്ബത്തിലൂടെ രംഗത്തെത്തിയ താരങ്ങളെല്ലാം ഉയര്ന്ന നിലയിലെത്തിയതില് ആഹ്ലാദമുണ്ടെന്ന് നാദിര്ഷ പറഞ്ഞു. തന്നെയും ദിലീപിനെയും കൂടാതെ കലാഭവന് മണി, സലിംകുമാര് തുടങ്ങി നിരവധി പേര് ഇക്കൂട്ടത്തിലുണ്ട്. ദേ മാവേലി കൊമ്പത്ത് ചെയ്യുന്ന കാലത്ത് അബിയാണ് മിമിക്രിയിലെ സൂപ്പര് സ്റ്റാര്. എന്നാല് ട്രയല് നോക്കുന്ന സമയത്ത് മാവേലിക്ക് പറ്റിയ ശബ്ദം അബിയെ കൊണ്ട് പലതവണ ചെയ്യിച്ചു. എന്നാല് ആരുടെയും ശബ്ദം യോജിച്ചില്ല. ഒടുവില് അബി മൂത്രമൊഴിക്കാന് പോയപ്പോള് ദിലീപ് ഇന്നസെന്റിന്റെ ശബ്ദത്തില് മാവേലിയെ അനുകരിച്ചുനോക്കി. അത് നന്നായി യോജിക്കുന്നുണ്ടെന്ന് അപ്പോഴാണ് തോന്നിയത്. പിന്നീട് അബി മൂത്രമൊഴിച്ച് തിരികെ വന്നപ്പോള് വിയോജിപ്പ് പ്രകടിപ്പിച്ചെങ്കിലും കാസറ്റില് പേര് വയ്ക്കുന്നില്ലല്ലോയെന്ന് പറഞ്ഞതോടെ പിന്മാറി. പിന്നീട് ഓരോ വര്ഷം കഴിയുന്തോറും ഇന്നസെന്റിന്റെ ശബ്ദത്തിലുള്ള മാവേലി കേരളം കീഴടക്കുകയായിരുന്നു. ദിലീപും താരമായി മാറി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha