നീതിന്യായ സംവിധാനത്തിനെതിരെ പൊതുജന വികാരമുയരുന്നു... ഫ്രാങ്കോ മുളയ്ക്കല് കേസിലും ദിലീപിന്റെ കേസിലും പ്രതികള്ക്ക് അനുകൂലമായി വിധി വന്നതോടെ നീതിന്യായ സംവിധാനങ്ങള്ക്കെതിരെ പ്രതികരിച്ച് പൊതുജനങ്ങള്
നീതിന്യായ സംവിധാനത്തിനെതിരെ പൊതുജന വികാരമുയരുന്നു. ഫ്രാങ്കോ മുളയ്ക്കല് കേസിലും ദിലീപിന്റെ കേസിലും പ്രതികള്ക്ക് അനുകൂലമായി വിധി വന്നതോടെയാണ് നീതിന്യായ സംവിധാനങ്ങള്ക്കെതിരെ പൊതുജനങ്ങള് പ്രതികരിച്ചു തുടങ്ങിയത്.
സീസറിന്റെ ഭാര്യ സംശയത്തിന് അതീതമായിരിക്കണമെന്ന ഹൈക്കോടതി നിരീക്ഷണം മന്ത്രിമാര്ക്കും എക്സിക്യൂട്ടീവിനും മാത്രമല്ല കോടതിക്കും ബാധകമായിരിക്കുമെന്ന് രാഷ്ട്രീയ നിരീക്ഷകനായ ജോസഫ് സി മാത്യു പറഞ്ഞു.
അന്വേഷണ ഉദ്യോഗസ്ഥരെ അപായപെടുത്താന് ദിലീപ് ശ്രമിച്ചതിന്റെ തെളിവുകള് അന്വേഷണ സംഘം കോടതിയില് ഹാജരാക്കിയിട്ടും ദിലീപിനെ മേയാന് വിടാന് തയ്യാറായതാണ് നീതിന്യായ സംവിധാനക്കള്ക്കെതിരെ ജന വികാരം എതിരാകാന് കാരണം.
ഉന്നത പോലീസുദ്യോഗസ്ഥരെ അപകടപെടുത്താനുള്ള ഗൂഢാലോചനയുടെ തെളിവാണ് കോടതിയില് ഹാജരാക്കിയെന്നാണ് മനസിലാക്കുന്നത്. അതോടെയാണ് കോടതിയുടെ മട്ടുമാറിയത്. എന്നിട്ടും ദിലീപിനെ വെറുതെ വിട്ടതാണ് വിമര്ശനത്തിന് കാരണമായിരിക്കുന്നത്.
ദിലീപിനെതിരെ അസ്വസ്ഥതപ്പെടുത്തുന്ന ചില തെളിവുകള് പ്രോസിക്യൂഷന് ഹാജരാക്കിയവയില് ഉണ്ടെന്ന് ഹൈക്കോടതി ഉച്ച തിരിഞ്ഞ് സിറ്റിംഗ് തുടങ്ങിയപ്പോള് പറഞ്ഞിരുന്നു. ഈ തെളിവുകള് പരിശോധിച്ചാല് ക്രിമിനല് ഗൂഢാലോചനയുണ്ടെന്നും കുറ്റകൃത്യത്തിന് പ്രേരണയുണ്ടെന്നും സൂചനയുണ്ട് എന്നും കോടതി വ്യക്തമാക്കി. ഡയറക്ടര് ജനറല് ഓഫ് പ്രോസിക്യൂഷന് ഹാജരാക്കിയ പ്രധാനപ്പെട്ട തെളിവുകള് പരിശോധിച്ചതില് നിന്ന് അതില് ചില ഗുരുതരസ്വഭാവമുള്ള ചില തെളിവുകളുണ്ട് എന്ന് കോടതി വ്യക്തമാക്കി.
കോടതിയില് നിന്നും പണി കിട്ടുമെന്ന് മനസിലാക്കിയപ്പോഴാണ് അന്വേഷണ സംഘം രണ്ടും കല്പ്പിച്ച് അതിപ്രധാനമായ ഈ തെളിവ് ഹാജരാക്കിയത്. ഈ തെളിവ് കോടതിയില് ഹാജരാക്കാന് ഉദ്ദേശിച്ചിരുന്നില്ല. ക്രൈംബ്രാഞ്ച് മേധാവി എസ്.ശ്രീജിത്ത് കോടതിയിലെത്തിയിരുന്നു. ഇതിന് ശേഷമാണ് സീല്ഡ് കവറില് തെളിവ് ഹാജരാക്കിയത്. ഇത് കോടതിയില് സമര്പ്പിച്ചില്ലായിരുന്നെങ്കില് ചിലപ്പോള് സര്ക്കാരിന് തട്ടു കിട്ടിയേനെ.
കോടതിയുടെ പരാമര്ശം വന്നോടെ അന്വേഷണവുമായി പൂര്ണമായും സഹകരിക്കാമെന്ന് ദിലീപിന്റെ അഭിഭാഷകര് കോടതിയില് പറഞ്ഞു. വികാരപരമായി കേസ് വാദിച്ചിട്ട് കാര്യമില്ല. തെളിവുകള് പ്രോസിക്യൂഷന് ഹാജരാക്കണമെന്നും അവരാവശ്യപ്പെട്ടു. രാവിലെ മുന്കൂര് ജാമ്യം കിട്ടിയേ തീരൂ എന്ന് വാദിച്ചിരുന്ന ദിലീപിന്റെ അഭിഭാഷകര് പിന്നീട് അന്വേഷണത്തിനോട് സഹകരിക്കാമെന്ന നിലപാടാണ് സ്വീകരിച്ചത്.
ദിവസവും അഞ്ചോ ആറോ മണിക്കൂര് അന്വേഷണവുമായി സഹകരിക്കാം. രാവിലെ എട്ട് മണിക്ക് സ്റ്റേഷനിലെത്തി, വൈകിട്ട് 6 മണി വരെ അന്വേഷണവുമായി സഹകരിക്കാം. മുന്കൂര് ജാമ്യം നല്കണം. ഏതെങ്കിലും തരത്തില് സാക്ഷികളെ സ്വാധീനിക്കാന് ശ്രമിക്കുകയോ ജാമ്യവ്യവസ്ഥ ലംഘിക്കുകയോ ചെയ്താല് ഹൈക്കോടതിക്ക് തന്റെ ജാമ്യം റദ്ദാക്കാമെന്നും ദിലീപ് കോടതിയില് അറിയിക്കുന്നു. എഫ്ഐആറിലെ ബാലചന്ദ്രകുമാറിന്റെ പല മൊഴികളും ആദ്യം എടുത്ത മൊഴിയിലില്ല എന്നും ഇത്തരം വൈരുദ്ധ്യങ്ങള് വിശദമായി പരിശോധിക്കണം എന്നുമാണ് ദിലീപിന്റെ അഭിഭാഷകരുടെ വാദം.
എന്നാല് ബാലചന്ദ്രകുമാറിന്റെ ആരോപണങ്ങള് ശരിവയ്ക്കുന്ന ഡിജിറ്റല് തെളിവുകളുണ്ടെന്ന് സര്ക്കാരിന് വേണ്ടി പ്രോസിക്യൂട്ടര് വാദിച്ചു. കേസിലെ അന്വേഷണ ഉദ്യോഗസ്ഥരുടെ ജീവന് സംരക്ഷിക്കേണ്ടതുണ്ട്. ഈ കേസില് വലിയ മാനിപ്പുലേഷന്സ് നടക്കുന്നുണ്ട്. പ്രതികള് സാധാരണക്കാര് അല്ല. സാധാരണക്കാരന്റെ വെറും വികാരവിക്ഷോഭമല്ല ദിലീപിന്റേത്. അത്തരത്തില് തന്റെ വീടിന്റെ സ്വീകരണമുറിയിലിരുന്ന് ദിലീപ് വെറുതെ പറഞ്ഞതല്ല. ഒരു മുറിയിലിരുന്ന് പറഞ്ഞത് മാത്രമല്ല ഈ കേസില് തെളിവായുള്ളത്. ഇതിലേക്ക് നയിക്കുന്ന പ്രവൃത്തികളും ചെയ്തെന്ന് ഡിജിറ്റല് തെളിവുകളുണ്ടെന്ന് പ്രോസിക്യൂഷന് വ്യക്തമാക്കി.
നിര്ണായകമായ വാദങ്ങളാണ് ഹൈക്കോടതിയില് നടന്നത്. ഹൈക്കോടതിയില് നിന്ന് അനുകൂലവിധിയുണ്ടാവുകയും ദിലീപിന്റെ മുന്കൂര് ജാമ്യം തള്ളുകയും ചെയ്താല് അറസ്റ്റുള്പ്പടെയുള്ള കാര്യങ്ങളിലേക്ക് നീങ്ങുമെന്നുറപ്പായിരുന്നു.
ദിലീപിന് വേണ്ടി അഡ്വ. ബി രാമന് പിള്ളയാണ് ഹാജരായത്. നേരത്തേ കന്യാസ്ത്രീയെ ബലാത്സംഗം ചെയ്ത കേസില് ബിഷപ്പ് ഫ്രാങ്കോ മുളയ്ക്കലിന് വേണ്ടി ഹാജരായതും ബി രാമന് പിള്ള അസോസിയേറ്റ്സ് ആയിരുന്നു. രാമന്പിള്ളയുടെ കസര്ത്താണ് ഇന്നലെ ഹൈക്കോടതിയില് കണ്ടത്.
ഏതായാലും സീസറിന്റെ ഭാര്യ വിശുദ്ധമായിരിക്കണമെന്ന വാദം കോടതിക്കും ബാധകമാണെന്ന ജോസഫ് സി മാത്യുവിന്റെ വാക്കുകള് പ്രസക്തമാവുകയാണ്.
https://www.facebook.com/Malayalivartha
