മലയാളികളുടെ ഇഷ്ടതാരമാണ് മീനാക്ഷി. സിനിമയിലൂടെ മാത്രമല്ല അവതാരകയായും ആരാധകരുടെ ഉള്ളിൽ സ്ഥാനം പിടിച്ചത് വളരെ പെട്ടന്നായിരുന്നു. അനൂപ്- രമ്യ ദമ്പതികളുടെ മകളായ മീനാക്ഷി, കോട്ടയം സ്വദേശിയാണ്. അനുനയ അനൂപ് എന്നാണ് യഥാര്‍ഥ പേര്. കോട്ടയത്തുള്ള കിടങ്ങൂര്‍ എന്‍എസ്എസ് ഹൈസ്‌കൂളില്‍ വിദ്യാര്‍ത്ഥിയായിരുന്നു മീനാക്ഷി. എസ്എസ്എല്‍സി പരീക്ഷയില്‍ മികച്ച വിജയം നേടിയ മീനാക്ഷി അനൂപ് വാര്‍ത്തകളില്‍ ഇടം നേടിയിരുന്നു. പത്തില്‍ ഒന്‍പത് വിഷയങ്ങള്‍ക്കും മീനാക്ഷി എ പ്ലസ് ഗ്രേഡ് നേടിയിരുന്നു. എന്നാല്‍, ഫിസിക്‌സിന് മാത്രം ബി പ്ലസ് ഗ്രേഡാണ് മീനാക്ഷിയ്ക്ക് ലഭിച്ചത്. ഇപ്പോള്‍ ഇതാ റീവാല്യുവേഷനിലൂടെ ഫിസിക്‌സിലെ ബി പ്ലസ് ഗ്രേഡ് എ ഗ്രേഡായി മാറിയിരിക്കുകയാണ്.

ഞാന്‍ 'ബി' പോസിറ്റീവായിരുന്നതുകൊണ്ട് എന്നെയങ്ങ് എ ഗ്രേഡാക്കീട്ടാ എന്നാണ് പുതിയ വിവരം പങ്കുവെച്ച് മീനാക്ഷി എഴുതിയിരിക്കുന്നത്. ഇതോടെ അഭിനയത്തില്‍ മാത്രമല്ല, പഠനത്തിലും മിടുമിടുക്കിയാണെന്ന് തെളിയിച്ചിരിക്കുകയാണ് മീനാക്ഷി.