കുടുക്ക് 2025' എന്ന ചിത്രത്തിലെ ടീസർ പുറത്ത് വന്നതിന് പിന്നാലെ നടിക്കും കുടുംബത്തിനുമെതിരെ സോഷ്യൽ മീഡിയയിലൂടെ രൂക്ഷവിമർശനം ഉയർന്നിരുന്നു. ഇതിന് പിന്നാലെ പിന്തുണയുമായി ഭർത്താവ് അർജുൻ രംഗത്ത് എത്തിയിരുന്നു. നടൻ കൃഷ്ണ ശങ്കറിനൊപ്പം ചെയ്ത രംഗങ്ങൾക്ക് നടിയ്ക്ക് മാത്രമാണ് വിമർശനങ്ങൾ നേരിടുന്നത്. ഇപ്പോഴിതാ ഈ വിമർശനങ്ങൾ ഉന്നയിക്കുന്നവർക്ക് മറുപടിയുമായി രംഗത്തെത്തിയിരിക്കുകയാണ് ചിത്രത്തിലെ നായകനായ കൃഷ്ണ ശങ്കർ. തൻ്റെ ഫേസ്ബുക്കിലൂടെയാണ് നടൻ പ്രതികരിച്ചിരിക്കുന്നത്.

കൃഷ്ണ ശങ്കറിൻ്റെ കുറിപ്പ് ഇങ്ങനെ...

'ഇന്ന് കുറച്ചു നേരം മുമ്പ് ദുർഗ കൃഷ്ണയുടെ ഒരു കോൾ വന്നു .ഞങ്ങൾ ഒരുമിച്ചഭിനയിച്ച ഒരു സിനിമയിലെ ഗാന രംഗത്തിലെ സീൻ കാരണം ഇപ്പോഴും ഇന്ന് ഈ രാത്രിയിലും ദുർഗ്ഗയെയും അവരുടെ ഹസ്ബൻഡ് ആയ അർജുനെയും വീട്ടുകാരെയും മോശമായി സംസാരിക്കുന്നു. ഇതിൽ കൂട്ടുപ്രതിയായ ഞാൻ എന്റെ വീട്ടിൽ കുട്ടികളെയും കളിപ്പിച്ച് ഭാര്യയായി സുഖമായി ഉറങ്ങാൻ പോകുന്നു. രണ്ടു പേരും ചെയ്തത് അവരവരുടെ ജോലിയാണ്.'

അതേസമയം ഇതേ വിഷയത്തിൽ നടി തൻ്റെ നിലപാട് വ്യക്തമാക്കുകയും ചെയ്തിട്ടുള്ളതായിരുന്നു. മുൻപ് സിനിമയിലെ ലിപ് ലോക്ക് രംഗങ്ങളെ കുറിച്ച് നടി ദുർഗ്ഗ കൃഷ്ണ മാധ്യമ വിചാരണ നേരിടേണ്ടി വന്നപ്പോൾ നൽകിയ മറുപടി വൈറലായി മാറിയിരുന്നു. താൻ വായുവിലേക്ക് നോക്കിയല്ല ചുംബിച്ചത്, തനിക്ക് എതിരായി ഒരാളുണ്ടായിരുന്നു, പിന്നെ എന്തുകൊണ്ടാണ് ഞാൻ മാത്രം വിചാരണ ചെയ്യപ്പെടുന്നത് എന്ന നടിയുടെ മറുചോദ്യം വലിയ തരംഗമായി മാറിയിരുന്നു.