സിനിമ-സീരിയല്‍ ലോകത്തേയ്ക്ക് തന്റെ ചെറിയ പ്രായത്തിലാണ് അനുശ്രീ എത്തുന്നത്. അനുശ്രീ എന്നാണ് യഥാര്‍ത്ഥ പേരെങ്കിലും പ്രകൃതിയെന്നാണ് സീരിയല്‍ ലോകത്ത് താരം അറിയപ്പെടുന്നത്. നാലാം വയസ്സുമുതലാണ് അഭിനയം തുടങ്ങിയത്. ഓമനത്തിങ്കള്‍ പക്ഷി ദേവീമാഹാത്മ്യം, ശ്രീ മഹാഭാഗവതം, പാദസരം, എഴുരാത്രികള്‍, അമല തുടങ്ങിയ പരമ്പരകളിലാണ് ആദ്യ കാലത്ത് അഭിനയിച്ചത്. 15ാം വയസ്സിലാണ് ആദ്യമായി ലീഡ് റോളില്‍ ഏഴുരാത്രികള്‍ എന്ന പരമ്പരയില്‍ അഭിനയിച്ചത്. അമലയിലെ ശീതള്‍ എന്ന കഥാപാത്രവും ഏറെ ശ്രദ്ധിക്കപ്പെട്ടിരുന്നു. അരയന്നങ്ങളുടെ വീട് എന്ന പരമ്പരയിലെ ശ്രീദേവി എന്ന കഥാപാത്രമാണ് അനുശ്രീയ്ക്ക് ഇത്രമാത്രം പ്രേക്ഷക സ്വീകാര്യത നേടിക്കൊടുത്തത്. ഇപ്പോള്‍ അനുശ്രീയുടെ ആരാധകര്‍ക്കായി മറ്റൊരു സന്തോഷ വാര്‍ത്തയാണ് പുറത്തുവരുന്നത്. അനുശ്രീ അമ്മയായിരിക്കുകയാണ്. താരം ഒരാണ്‍കുഞ്ഞിനാണ് ഇപ്പോള്‍ ജന്മം നല്‍കിയിരിക്കുന്നത്. സോഷ്യല്‍ മീഡിയയിലവൂടെയാണ് ഈ സന്തോഷ വാര്‍ത്തയും താരം പങ്കുവെച്ചത്. ആണ്‍-പെണ്‍ വേര്‍തിരിവുകളില്ലാതെ ആരായാലും സന്തോഷത്തോടെ വരവേല്‍ക്കാനുള്ള തയ്യാറെടുപ്പിലായിരുന്നു അനുശ്രീയും വിഷ്ണുവും. ഇപ്പോള്‍ രണ്ടുപേരുടേയും ഇടയിലേയ്ക്ക് തങ്ങളുടെ കുഞ്ഞതിഥി എത്തി. ഈ സന്തോഷം സോഷ്യല്‍ മീഡിയയിലൂടെയാണ് ഇരുവരും പങ്കുവെച്ചത്. ഇതിനോടകം തന്നെ നിരവധി ആളുകളാണ് ഇരുവര്‍ക്കും ആശംസകളറിയിച്ച് രംഗത്തെത്തിയത്. അനുശ്രീയുടെ വിവാഹ വാര്‍ത്ത പ്രേക്ഷകരേയും സീരിയല്‍ മേഖലയിലുള്ളവരേും ഒരുപോലെ ഞെട്ടിച്ച വാര്‍ത്തയായിരുന്നു. ക്യാമറമാനായ വിഷ്ണുവിനൊപ്പം വളരെ പെട്ടെന്നായിരുന്നു അനുവിന്റെ വിവാഹം. ഏറെ നാളത്തെ പ്രണയത്തിന് ശേഷമാണ് അനുശ്രീ വിവാഹിതയായത്.