കെ.ജി.എഫ് നായിക ശരീനിധി ഷെട്ടി പ്രതിഫലം ഉയർത്തിയതായി റിപ്പോർട്ട്. കെജിഎഫ് 1, 2 സിനിമകളിലൂടെ ശ്രദ്ധേയയായ ശ്രീനിധി അടുത്ത ചിത്രമായ കോബ്രയിൽ ഇരട്ടി പ്രതിഫലമാണ് ചോദിച്ചതെന്നാണ് റിപ്പോർട്ടുകൾ. പുതിയ തമിഴ് ചിത്രമായ കോബ്രയ്ക്ക് ആറ് കോടി മുതൽ ഏഴ് കോടി വരെ ലഭിക്കുമെന്നാണ് റിപ്പോർട്ട്.

അജയ് കുമാർ സംവിധാനം ചെയ്യുന്ന ചിത്രം ലളിത് കുമാറാണ് നിർമിക്കുന്നത്.കോബ്രയുടെ ഓഡിയോ ലോഞ്ചിൽ ശ്രീനിധി പങ്കെടുത്തിരുന്നു. ജൂലൈ 11നായിരുന്നു ഓഡിയോ ലോഞ്ച്.എന്നാൽ കെ.ജി.എഫ് ചിത്രത്തിന് വേണ്ടി മൂന്ന് കോടി രൂപയാണ് ശ്രീനിധി വാങ്ങിയത്.

അതേസമയം തുടർച്ചയായി ഇറങ്ങിയ നയൻതാര ചിത്രങ്ങളെല്ലാം ഹിറ്റായി മാറിയതടെ തെന്നിന്ത്യൻ താരം നയൻതാര പ്രതിഫലം ഉയർത്തയതായി റിപ്പോർട്ട്. കഴിഞ്ഞ പത്ത് വർഷമായി ദക്ഷിണേന്ത്യൻ താര ലോകം അടക്കി വാഴുന്ന, ആരാധകർ ഏറെ സ്‌നേഹത്തോടെ നയൻസ് എന്ന് വിളിക്കുന്ന നയൻതാര, വിവാഹ ശേഷമാണ് പ്രതിഫലം ഉയർത്തുന്നത്.

അടുത്തതായി നായികാപ്രാധാന്യമുള്ള ഒരു ചിത്രത്തിലാണ് നയൻതാര അഭിനയിക്കുക. പത്ത് കോടി രൂപയാണ് താരം പ്രതിഫലമായി ചോദിച്ചതെന്നും ഇതിന് നിർമാതാക്കൾ സമ്മതം മൂളിയെന്നും റിപ്പോർട്ടുണ്ട്.ഷാറുഖ് ഖാനൊപ്പം അഭിനയിച്ച ജവാൻ എന്ന ചിത്രമാണ് നയൻതാരയുടെ ഇനി പുറത്തിറങ്ങാനിരിക്കുന്ന ചിത്രം. ജവാനിൽ നയൻതാരയ്ക്ക് 7 കോടി രൂപയാണ് പ്രതിഫലമായി ലഭിച്ചതെന്ന് തമിഴ് മാധ്യമങ്ങൾ റിപ്പോർട്ട് ചെയ്തു.