നടന് ശ്രീനാഥ് ഭാസിക്കെതിരേ അച്ചടക്ക നടപടിക്ക് ഫിലിം ചേംബര്
നടന് ശ്രീനാഥ് ഭാസിക്കെതിരേ അച്ചടക്ക നടപടിക്ക് ഒരുങ്ങി ഫിലിം ചേംബര്. ഷൂട്ടിംഗ് ലൊക്കേഷനുകളില് കൃത്യസമയത്ത് എത്തുന്നില്ലെന്നും നിര്മാതാക്കള്ക്ക് വലിയ നഷ്ടം ഉണ്ടാകുന്നുവെന്നും കണ്ടെത്തിയതിനെത്തുടര്ന്നാണ് നടന് ശ്രീനാഥ് ഭാസിക്കെതിരേ നടപടിയെടുക്കാന് ഫിലിം ചേംബര് ഒരുങ്ങുന്നത്.
സിനിമാമേഖലയിലെ പ്രതിസന്ധികളെക്കുറിച്ച് ചര്ച്ച ചെയ്യാനായി വിവിധ സിനിമ സംഘടനകളുടെ നേതൃത്വത്തില് ഇന്നലെ കൊച്ചിയില് ചേര്ന്ന ഫിലിം ചേംബര് യോഗത്തിലാണ് ഈ തീരുമാനം ഉണ്ടായിരിക്കുന്നത്. ശ്രീനാഥ് ഭാസി നിജസ്ഥിതി ഫിലിം ചേംബറിലെത്തി അറിയിക്കണമെന്നാണ് നിര്ദേശം.
നടന് ഇനിയുള്ള പ്രോജക്ടുകള്ക്ക് അനുമതി നല്കുമ്പോള് ചേംബറുമായി ആലോചിക്കണമെന്നും നിര്ദേശമുണ്ട്. ശ്രീനാഥ് ഭാസിക്ക് അമ്മയില് മെമ്പര്ഷിപ്പ് ഇല്ലാത്തതിനാലാണ് നടപടിക്ക് ഫിലിം ചേംബര് മുന്കൈയെടുക്കുന്നത്.
നടന്മാര് ചില പ്രൊഡക്ഷന് എക്സിക്യൂട്ടീവുമാരെ മാനേജര് ആക്കിയത് ഇനി അനുവദിക്കില്ലെന്നും ചേംബറിന്റെ യോഗത്തില് തീരുമാനമെടുത്തു. താരങ്ങളുടെ ശമ്പളം കുറയ്ക്കുന്ന കാര്യത്തില് അടുത്ത മാസം വീണ്ടും യോഗം ചേര്ന്ന് തീരുമാനമെടുക്കും.
https://www.facebook.com/Malayalivartha
