ബി​ഗ് ബോസ് സീസൺ 4 ലൂടെ ദിൽറോബ് എന്ന പ്രണയ കൊട്ടാരം ദിൽഷ റോബി ആരാധകർ പണിതിരുന്നു. എന്നാൽ കഴിഞ്ഞ ദിവസം ആരാധകർ ഒരുക്കിയ ആ കൊട്ടാരം ദിൽഷയുടെ മറുപടിയിലൂടെ തകർന്നു. ഇനി അങ്ങോട്ട് ഡോക്ടർ റോബിനുമായോ ബ്ലെസ്ലിയുമായോ ഏതൊരു റിലേഷനുമില്ലെന്ന് പറഞ്ഞ് ദിൽഷ ഒരു വീഡിയോ പോസ്റ്റ് ചെയ്തിരുന്നു. ഡോക്ടറും ബ്ലെസ്ലിയും തന്നെ ഒരു പാവക്കുട്ടിയെ അങ്ങോട്ടും ഇങ്ങോട്ടും തട്ടിക്കളിക്കുകയാണെന്നും പറഞ്ഞിരുന്നു. ദിൽഷയുടെ വീഡിയോ വന്ന് കുറച്ച് സമയം കഴിഞ്ഞപ്പോൾ തന്നെ ഡോക്ടർ വളരെ മാന്യമായ രീതിയിൽ തന്നെ മറുപടിയും കൊടുത്തിരുന്നു. എന്നാലിപ്പോഴിതാ മൂപ്പൻ വ്ലോഗ് എന്ന യൂട്യൂബ് ചാനലിൽ റോബിൻ പറഞ്ഞ വാക്കുകൾ വൈറലാവുകയാണ്.

ദിൽഷ ഒരു നല്ല വ്യക്തി ആണ്. ഒരുപാട് സമയത്ത് എന്നെ സപ്പോർട്ട് ചെയ്ത് കൂടെ നിന്ന വ്യക്തിയാണ്. നല്ലൊരു ജീവിതം ദിൽഷയ്ക്ക് ആശംസിക്കുന്നു. സ്വപ്നങ്ങളെല്ലാം നടക്കട്ടെ. ദിൽഷയ്ക്ക് അർഹിക്കുന്ന ഒരു വ്യക്തി ഭാവിയിൽ വരട്ടേ എന്നാണ് റോബിൻ പറഞ്ഞിരിക്കുന്നത്. ദിൽഷ ഇൻസ്റ്റഗ്രാമിൽ തുറന്നു പറഞ്ഞതിന് ശേഷം വീണ്ടും ദിൽഷയ്ക്കെതിരെ സൈബർ ആക്രമണം ഉണ്ടാകുന്നുണ്ട്.