അമൃത സുരേഷും ഗോപി സുന്ദറും പ്രണയത്തിലാണെന്ന് പറഞ്ഞതിന് പിന്നാലെ ഇരുവര്‍ക്ക് നേരയും ഉയര്‍ന്ന സൈബര്‍ അറ്റാക്ക് ചെറിയ തോതില്‍ ഒന്നും ആയിരുന്നില്ല. എന്നാല്‍ ഗോപിയുമായി പുതിയൊരു ജീവിതം ആരംഭിച്ചതിനെ പറ്റി കഴിഞ്ഞ ദിവസം ഒരു അഭിമുഖത്തില്‍ അമൃത വെളിപ്പെടുത്തി. മകള്‍ അവന്തികയുടെ സമ്മതം വാങ്ങിയിട്ടാണ് ഇതിന് തയ്യാറായതെന്നാണ് താരം പറഞ്ഞത്. അതേ സമയം മറ്റൊരു സന്തോഷ വാര്‍ത്ത പങ്കുവെച്ച് കൊണ്ടാണ് അമൃതയും ഗോപിയും എത്തിയിരിക്കുന്നത്. തന്റെ ജീവിതത്തില്‍ പ്രേക്ഷകര്‍ കാണാന്‍ കാത്തിരിക്കുന്ന ചില കാര്യങ്ങള്‍ ഉടനെ ഉണ്ടാവുമെന്ന് അമൃത പറഞ്ഞിരുന്നു. പിന്നാലെ കിടിലനൊരു വീഡിയോ ആണ് താരങ്ങള്‍ പുറത്ത് വിട്ടിരിക്കുന്നത്. പരസ്പരം ചേര്‍ന്ന് നിന്ന് ചുംബിക്കാന്‍ ഒരുങ്ങുന്ന ഗോപി സുന്ദറും അമൃതയുമാണ് വീഡിയോയിലുള്ളത്.

ഇതെന്താണെങ്കിലും വൈകാതെ വരുമെന്ന് പറഞ്ഞാണ് പ്രൊമോ വീഡിയോ അവസാനിക്കുന്നതും. ഇതോടെ ആരാധകരും ആവേശത്തിലായി. അമൃതയും ഗോപിയും ആദ്യമായി ഒന്നിച്ച് ചെയ്യുന്ന മ്യൂസിക് ആല്‍ബം ആണെന്നാണ് ഇതില്‍ നിന്നും വ്യക്തമാവുന്നത്. മ്യൂസിക് ട്രീ പ്രസന്റ് ചെയ്യുന്ന 'THONTHARAVA' എന്ന പേരിലാണ് ആല്‍ബം എത്തുന്നത്. 'ഞങ്ങള്‍ ആദ്യമായി ഒരുമിക്കുന്നതാണ്. നിങ്ങളുടെ എല്ലാവരുടെയും പ്രാര്‍ഥനകളും പിന്തുണയും വേണം. എന്റെ സദാചാരരേ... എല്ലാ ബഹുമാനത്തോടും കൂടി നിങ്ങളും നിങ്ങളുടെ വഴി തുറക്കണം. ഇത് നിങ്ങളുടെ കാഴ്ചപ്പാടുകളെ പ്രകോപിപ്പിക്കാനുള്ള ശ്രമമല്ല. ഇത് നിങ്ങളുട കപ്പിലെ ചായ അല്ലെന്നും ഒരിക്കല്‍ കൂടി പറയുകയാണ്.. നന്ദി' എന്നുമാണ് ഗോപി സുന്ദര്‍ ക്യാപ്ഷനായി കൊടുത്തിരിക്കുന്നത്.