ബിഗ് ബോസ് മലയാളം സീസണ്‍ 4 അവസാനിച്ചിട്ട് നാളുകളായി. എന്നാല്‍ ബിഗ് ബോസുമായി ബന്ധപ്പെട്ട നാടകീയ രംഗങ്ങള്‍ക്ക് ഇതുവരേയും അവസാനിച്ചിട്ടില്ല. പുറത്ത് വന്ന താരങ്ങളില്‍ ചിലര്‍ക്കിടയില്‍ പ്രശ്‌നങ്ങള്‍ ഉടലെടുത്തിരിക്കുകയാണ്. ബിഗ് ബോസ് വീട്ടിലെ അടുത്ത സുഹൃത്തുക്കളായിരുന്നു ദില്‍ഷയും റോബിനും ബ്ലെസ്ലിയും. എന്നാല്‍ പുറത്ത് വന്ന് നാളുകള്‍ പിന്നിട്ടപ്പോഴേക്കും റോബിനും ബ്ലെസ്ലിയുമായുള്ള സൗഹൃദം അവസാനിപ്പിച്ചിരിക്കുകയാണ് ദില്‍ഷ. എന്നാൽ ദിൽഷ വീഡിയോ പോസ്റ്റ് ചെയ്യുന്നതിന് മുന്നേ ദിൽഷയുടെ ഒരു അഭിമുഖം വന്നിരുന്നു. മാറ്റിനി എന്ന യുട്യൂബ് ചാനലിന് നൽകിയ അഭിമുഖമാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഇതുവരെ ആരെയും പ്രണയിച്ചിട്ടില്ലെന്നും ഡോക്ടറോട് സീരിയസായ് പ്രണയം തോന്നിയിട്ടില്ലെന്നും ദിൽഷ പറയുന്നു.

പക്ഷെ റോബിന്റെ തന്റെ പ്രണയം ദില്‍ഷയോട് ബിഗ്​ ബോസ് ഹൗസിൽ വെച്ചെ പറഞ്ഞിരുന്നു. എന്നാല്‍ വീട്ടുകാരുടെ സമ്മതത്തോടെ അല്ലാതെ വിവാഹം ചെയ്യില്ലെന്നും പെട്ടന്ന് ഒരാളോട് പ്രണയം തോന്നില്ല എന്നൊക്കെയാണ് ദില്‍ഷ അവിടെ വെച്ച് പറഞ്ഞത്. തനിയ്ക്ക് കുടുംബത്തെ പരിഗണിക്കാതെ എടുത്ത് ചാടി ഒരു വിവാഹം ചെയ്യാന്‍ കഴിയില്ല, റോബിന് ആണെങ്കില്‍ പെട്ടന്ന് വിവാഹം വേണം, പക്ഷെ ദിൽഷക്ക് അങ്ങനെ പറ്റില്ലെന്ന് വീഡിയോയിലൂടെ പറയുകയും ചെയ്തു. കട്ടന്‍ വിത്ത് ഇമ്മാട്ടി എന്ന മാറ്റിനിയുടെ ചാറ്റ് ഷോയില്‍ ദില്‍ഷ തന്റെ പ്രണയത്തെക്കുറിച്ച് പറഞ്ഞത്, പ്രണയിക്കുന്നത് തെറ്റൊന്നുമല്ലെന്നാണ്, ആങ്കറുടെ മറ്റൊരു ചോദ്യം ആയിരുന്നു ആദ്യം ക്രഷ് തോന്നിയത് ആരോടാണെന്ന് ചോദിച്ചപ്പോള്‍ സിനിമാ നടന്മാരുടെ പേര് നിരത്തി പറയുകയായിരുന്നു ദില്‍ഷ. അതല്ലാതെ പ്രണയം ആരോടും തോന്നിയിട്ടില്ലേ എന്ന് ചോദിച്ചപ്പോള്‍ ഇല്ല എന്ന് ദില്‍ഷ വ്യക്തമാക്കി. താന്‍ പ്രണയത്തിന് എതിര് അല്ല. എന്നാല്‍ ആരോടും എനിക്ക് അങ്ങനെ പ്രത്യേകിച്ച് ഒരു ഇഷ്ടം തോന്നിയിട്ടില്ല, പലരും എന്നോട് ഇഷ്ടമാണ് എന്ന് പറഞ്ഞിട്ടുണ്ട്. സത്യത്തില്‍ പഠിക്കുന്ന പ്രായത്തിൽ തനിക്ക് പ്രേമിക്കാന്‍ പേടിയായിരുന്നു. അതുകൊണ്ടാവും പ്രണയം വോ​ഗം തോന്നാത്തതും. പക്ഷെ ഇപ്പോള്‍ തനിക്ക് ഒരാളോട് ഇഷ്ടം തോന്നിയാൽ അത് തുറന്ന് പറയാന്‍ പേടിയില്ല, എന്നാല്‍ അത്ര പെട്ടന്ന് ഒന്നും ഒരാളെ പ്രേമിക്കാന്‍ എനിക്ക് കഴിയില്ല എന്നാണ് ദില്‍ഷ പറഞ്ഞത്. അതേ അഭിമുഖത്തിൽ തന്നെ ഡോക്ടർ റോബിനോട് ഇഷ്ടം തോന്നിയിട്ടില്ലെ എന്ന ചോദ്യത്തിനും ദിൽഷ മറുപടി പറഞ്ഞിരുന്നു. ഡോക്ടറോട് ഒരു ചെറിയ ഇഷ്ടമൊക്കെ ഉണ്ട്. പക്ഷെ അതിനെ പ്രണയം എന്നൊക്കെ പറയാൻ കഴിയുമോ എന്നറിയല്ലെന്നും ദിൽഷ പറഞ്ഞു. ഡോക്ടറുമായി കുറച്ച് സംസാരിച്ച് കഴിയുമ്പോൾ ചിലപ്പോൾ പ്രണയം തോന്നി വിവാഹത്തിലേക്ക് എത്തിയേക്കാം എന്നും ദിൽഷ പറഞ്ഞിരുന്നു. മാറ്റിനിയുടെ അഭിമുഖം വന്ന് മണിക്കൂറുകൾക്ക് ശേഷമാണ് ദിൽഷ വീഡിയോ ഇൻസ്റ്റ​ഗ്രാമിൽ പോസ്റ്റ് ചെയ്തത്.