ദൈവം എന്നും റോബിനെ സമൃദ്ധമായി അനുഗ്രഹിക്കട്ടെ! കാണണം എന്ന് ഒരുപാട് ആഗ്രഹിച്ചപ്പോള് മകനെ പോലെ എന്റെ അടുത്തേക്ക് ഓടി എത്തി... റോബിനൊപ്പമുള്ള ചിത്രം അമൃതയും പങ്കുവച്ചു! റോബിനൊപ്പം എത്തിയ ആ പെൺകുട്ടിയെ ഏറ്റെടുത്ത് ആരാധകർ
ബിഗ് ബോസ് മലയാളത്തിലെ നാലാമത്തെ സീസണിലൂടെ താരമായി മാറിയവരില് ഒരാളാണ് ഡോക്ടര് റോബിന് എന്ന റോബിന് രാധാകൃഷ്ണന്. ബിഗ് ബോസിലേക്ക് എത്തുമ്പോള് റോബിനെക്കുറിച്ച് പലര്ക്കും അറിയില്ലായിരുന്നു. എന്നാല് ബിഗ് ബോസില് ഏറ്റവും കൂടുതല് ജനപ്രീതി നേടിയ താരങ്ങളില് ഒരാളായി മാറിയിരിക്കുകയാണ് റോബിന്. അമ്പരപ്പിക്കുന്ന ആരാധക പിന്തുണയുള്ള താരമാണിന്ന് റോബിന്. റോബിന്റെ ആരാധകരില് വലിയൊരു പങ്കും സ്ത്രീകളാണ്. പ്രത്യേകിച്ചും അമ്മമാര്. അക്കൂട്ടത്തില് ഒരാളാണ് ഗായിക അമൃത സുരേഷിന്റെ അമ്മ ലൈല സുരേഷും. ഇപ്പോഴിതാ ലൈല പങ്കുവച്ച കുറിപ്പും ചിത്രങ്ങളുമെല്ലാം സോഷ്യല് മീഡിയയില് വൈറലായി മാറിയിരിക്കുകയാണ്. തന്റെ ആരാധികയായ ലൈലയെ കാണാനായി ഇന്നലെ റോബിന് എത്തിയിരുന്നു. തന്നെ കാണാനെത്തിയ റോബിനൊപ്പമുള്ള ചിത്രമാണ് ലൈല പങ്കുവച്ചിരിക്കുന്നത്.
കാണണം എന്ന് ഒരുപാട് ആഗ്രഹിച്ചപ്പോള് മകനെ പോലെ എന്റെ അടുത്തേക്ക് ഓടി എത്തിയ റോബിന്. ദൈവം എന്നും റോബിനെ സമൃദ്ധമായി അനുഗ്രഹിക്കട്ടെ എന്നാണ് ചിത്രത്തോടൊപ്പം റോബിനെക്കുറിച്ച് അമൃതയുടെ അമ്മ കുറിച്ചിരിക്കുന്നത്. ലൈലയുടെ പോസ്റ്റ് സോഷ്യല് മീഡിയയില് ചര്ച്ചയായി മാറിയിരിക്കുകയാണ്. പിന്നാലെ റോബിനൊപ്പമുള്ള ചിത്രം അമൃതയും പങ്കുവച്ചിട്ടുണ്ട്. ബിഗ് ബോസ് 2 ബിഗ് ബോസ് 4നെ കണ്ടപ്പോള് എന്നായിരുന്നു ചിത്രത്തോടൊപ്പം അമൃത കുറിച്ചത്. ബിഗ് ബോസ് മലയാളം സീസണ് 2വിലെ മത്സരാര്ത്ഥിയായിരുന്നു അമൃത. സഹോദരി അഭിരാമിക്കൊപ്പം ഒറ്റ മത്സരാര്ത്ഥിയായിട്ടായിരുന്നു അമൃത ബിഗ് ബോസ് വീട്ടിലെത്തിയത്.
ബിഗ് ബോസ് വീട്ടിലെ ശക്തമായ സാന്നിധ്യമായി മാറാന് അമൃതയ്ക്കും അഭിരാമിയ്ക്കും സാധിച്ചിരുന്നു. ഫൈനലിലെത്തുമെന്ന് എല്ലാവരും ഉറപ്പിച്ചവരായിരുന്നു അമൃതയും അഭിരാമിയും. എന്നാല് ഷോ തന്നെ പാതിവഴിയില് ഉപേക്ഷിക്കേണ്ടി വരികയായിരുന്നു. ഇതിനിടെ അമൃതയുടെ ഇന്സ്റ്റഗ്രാം സ്റ്റോറിയും ശ്രദ്ധ നേടുന്നുണ്ട്. സ്റ്റോറിയില് അമൃതയ്ക്കും റോബിനുമൊപ്പം അവതാരക ആരതി പൊടിയുമുണ്ട്. നേരത്തെ റോബിനെ ഇന്റര്വ്യു ചെയ്ത് താരമായി മാറിയ അവതാരകയാണ് ആരതി.
https://www.facebook.com/Malayalivartha
