ബിഗ് ബോസ് ആദ്യ സീസണിലൂടെ ആരാധകരുടെ ഉള്ളിൽ സ്ഥാനം പിടിച്ച മത്സരാർത്ഥിയായിരുന്നു ബഷീർ ബഷി. ബിഗ് ബോസിന് ശേഷം കല്ലുമ്മക്കായ എന്ന വെബ് സീരീസിലൂടെയും താരവും കുടുംബവും പ്രേക്ഷകരുടെ പ്രിയ കഥാപാത്രങ്ങളായും മാറിയിരുന്നു. സോഷ്യൽ മീഡിയയിൽ സജീവമായ താരവും കുടുംബവും വ്ലോഗേഴ്‌സായും പ്രേക്ഷകരിൽ നിറയാറുണ്ട്. ബഷീറിന്റെ ഭാര്യമാരായ മഷൂറയും സുഹാനയും പ്രേക്ഷകരുടെ പ്രിയപ്പെട്ടവരാണ്. ദിവസങ്ങൾക്ക് മുൻപാണ് കുടുംബത്തിലേക്ക് കുഞ്ഞതിഥി എത്താന്‍ പോവുകയാണെന്ന് ബഷീര്‍ ബഷി അറിയിച്ചത്. പെരുന്നാള്‍ ദിനത്തിലായിരുന്നു സന്തോഷം പങ്കുവെച്ചത്. ദിവസങ്ങള്‍ക്ക് ശേഷമായി പുതിയ വീഡിയോയുമായെത്തിയിരിക്കുകയാണ് ബഷീറും മഷൂറയും. മഷൂറ എന്താണ് വ്‌ളോഗ് ചെയ്യാത്തതെന്ന് ചോദിച്ച് നിരവധി പേരായിരുന്നു മെസ്സേജുകള്‍ അയച്ചത്. സോനുവിനും എനിക്കുമെല്ലാം ആളുകള്‍ മെസ്സേജ് ചെയ്യുന്നുണ്ടായിരുന്നു. ഫോണൊന്നും അങ്ങനെ നോക്കാത്തതിനാല്‍ ഞാന്‍ അറിഞ്ഞിരുന്നില്ല.

മഷൂത്ത വീഡിയോ ചെയ്യുന്നില്ലെങ്കില്‍ ബഷിക്ക് ഡെയ്‌ലി വ്‌ളോഗ് ചെയ്തൂടേയെന്ന് ചിലര്‍ ചോദിച്ചിരുന്നു. ആ ചോദ്യം തനിക്ക് വല്ലാതെ കൊണ്ടുവെന്നായിരുന്നു ബഷീര്‍ പറഞ്ഞത്. രാവിലെ മുതല്‍ മഷൂറയെ ഫോളോ ചെയ്ത് ഞാന്‍ ഡെയ്‌ലി വ്‌ളോഗ് ചെയ്യുമെന്നായിരുന്നു ബഷീര്‍ പറഞ്ഞത്. പ്രസവിക്കാന്‍ പോവുന്നത് വരെ ഞാന്‍ വീഡിയോ ചെയ്യുമെന്നായിരുന്നു മഷൂറ പറഞ്ഞത്. ആക്ടീവായിരിക്കൂയെന്ന് ബേബി എന്നോട് പറഞ്ഞിരുന്നു. വ്‌ളോഗ് ചെയ്യാനൊന്നും നിര്‍ബന്ധിച്ചിരുന്നില്ല. ജീവിതത്തിലിതുവരെ വരാത്ത ഉറക്കമൊക്കെയാണ് വന്നത്. സൈഗുവിനെ പ്രഗ്നന്റായിരുന്ന സമയത്ത് ഇതുപോലൊക്കെയായിരുന്നു എനിക്കും എന്നായിരുന്നു സോനു പറഞ്ഞത്. എന്തെങ്കിലും കഴിക്കാന്‍ വേണോയെന്ന് ചോദിച്ചപ്പോള്‍ പോലും മറുപടിയുണ്ടായിരുന്നില്ലെന്നായിരുന്നു ബഷീര്‍ പറഞ്ഞത്. ഗര്‍ഭിണിയായാല്‍ സംസാരിക്കാന്‍ പാടില്ലെന്നുണ്ടോ, ഈ പെണ്ണ് പ്രഗ്നന്റായതിന് ശേഷം മിണ്ടുന്ന് പോലുമുണ്ടായിരുന്നില്ല. വര്‍ക്കുമായി ബന്ധപ്പെട്ട കാര്യങ്ങള്‍ക്കായി പുറത്തേക്കിറങ്ങിയപ്പോഴും മഷൂറ സൈലന്റായിരുന്നു. ഗര്‍ഭിണിയായാല്‍ അധികം മിണ്ടാറെന്നൊക്കെയുണ്ടോ, എന്നോട് എന്തെങ്കിലും ദേഷ്യമുണ്ടോയെന്നൊക്കെയായിരുന്നു ബേബി ചോദിച്ചത്.

ക്യാമറ ഓണ്‍ ചെയ്തപ്പോഴാണ് മഷൂറ സംസാരിച്ച് തുടങ്ങിയതെന്നായിരുന്നു ബഷീര്‍ പറഞ്ഞത്. എവിടെയെങ്കിലും ഇരിക്കും, എന്തെങ്കിലും ചെയ്യാനുണ്ടെങ്കില്‍ പോയി ചെയ്ത് ഇങ്ങനെ ഇരിക്കും അതായിരുന്നു അവസ്ഥ. നിനക്കെന്ത് പറ്റിയെന്ന് ചോദിച്ചപ്പോള്‍ എനിക്കെന്ത് പറ്റിയെന്നറിയില്ലേയെന്നായിരുന്നു മഷൂറ ചോദിച്ചത്. ഞാന്‍ വ്‌ളോഗ് ചെയ്ത് തുടങ്ങുമെന്ന് പറഞ്ഞപ്പോഴേക്കും മഷു ആക്ടീവായെന്നും ബഷീര്‍ പറഞ്ഞിരുന്നു. ക്ഷീണമുണ്ടോയെന്നൊക്കെ എല്ലാവരും ചോദിക്കുന്നുണ്ടായിരുന്നു. പാനിപൂരി കഴിച്ച് സോനുവിനും മക്കള്‍ക്കുമുള്ളത് പാര്‍സല്‍ മേടിച്ചായിരുന്നു ബഷീറും മഷൂറയും മടങ്ങിയത്. നിനക്കിഷ്ടമുള്ളതൊക്കെ കഴിച്ചോ, കുറഞ്ഞ അളവില്‍ കഴിച്ചാല്‍ മതിയെന്നായിരുന്നു സോനു പറഞ്ഞത്. എന്തൊക്കെ കഴിക്കാമെന്നുള്ളതൊക്കെ നിങ്ങള്‍ പറഞ്ഞ് തരുന്നുണ്ട്, അതൊക്കെ യൂസ്ഫുളാണെന്നും ഇരുവരും പറഞ്ഞിരുന്നു.