ബിഗ് ബോസ് മലയാളം സീസണ്‍ 2 വിലെ മത്സരാര്‍ത്ഥിയായിരുന്നു ആര്യ. വിന്നറാകാന്‍ വരെ സാധ്യത കല്‍പ്പിച്ചിരുന്ന താരമായിരുന്നു ആര്യ. എന്നാല്‍ ഷോ പാതി വഴിയില്‍ നിര്‍ത്തുകയായിരുന്നു. ബിഗ് ബോസ് വീട്ടില്‍ ആര്യയുടെ ഏറ്റവും അടുത്ത സുഹൃത്തുക്കളില്‍ ഒരാളായിരുന്നു വീണ നായര്‍. ഇപ്പോഴിതാ തന്നേയും വീണയേയും കുറിച്ചുള്ളൊരു വ്യാജ വാര്‍ത്തയ്‌ക്കെതിരെ ആര്യ രംഗത്തെത്തിയിരിക്കുകയാണ്.

ആര്യയും വീണയും ഉടക്കി പിരിഞ്ഞു എന്നാണ് വാര്‍ത്ത. അനിയത്തിയുടെ കല്യാണത്തിന് പോലും ആര്യ ക്ഷണിച്ചില്ല എന്നും വാര്‍ത്തയില്‍ പറഞ്ഞിരുന്നു. ഈ വാര്‍ത്തയുടെ സ്‌ക്രീന്‍ ഷോട്ട് പങ്കുവച്ചു കൊണ്ടായിരുന്നു ആര്യയുടെ പ്രതികരണം. ''ശ്ശെടാ എന്നിട്ട് ഞാന്‍ ഇതുവരെ അറിഞ്ഞിട്ടില്ലാരുന്നല്ലോ. ഹോ ഈ ഓണ്‍ ന്യൂസുകാര്‍ ഇല്ലായിരുന്നെങ്കില്‍ നമ്മള്‍ എന്ത് ചെയ്‌തേനെ, അല്ലേ? നീ ഇതു വല്ലതും അറിഞ്ഞാര്‍ന്നോ വീണ'' എന്നായിരുന്നു ആര്യയുടെ പ്രതികരണം. എന്തായാലും ആരാധകരും സംഭവം ഏറ്റെടുത്തിരിക്കുകയാണ്.