മലയാളികളുടെ ഇഷ്ട താരമാണ് നടി നിത്യാമേനൻ. വളരെ ചുരുക്കം സിനിമകളിലൂടെ തന്നെ തന്റേതായുള്ള സ്ഥാനം നേടിയെടുത്തത് വളരെ പെട്ടന്നായിരുന്നു. നടി ഉടൻ തന്നെ വിവാഹം കഴിക്കാൻ പോകുന്നുവെന്ന വാർത്തകൾ പ്രചരിച്ചിരുന്നു. എന്നാലിപ്പോഴിതാ തന്നെക്കുറിച്ച് പ്രചരിക്കുന്ന വാർത്തകൾ സത്യമല്ലെന്നും ഇത്തരം വാർത്തകൾ പ്രചരിപ്പിക്കും മുന്നേ ലഭിച്ച വിവരത്തിലെ സത്യാവസ്ഥ മാധ്യമങ്ങൾ പരിശോധിക്കണമെന്നും നടി വ്യക്തമാക്കി.

നിത്യ മേനനും മലയാള സിനിമയിലെ ഒരു പ്രമുഖ നടനും തമ്മിൽ വിവാഹിതരാകുന്നു എന്നാണ് ദേശീയ മാധ്യമങ്ങൾ റിപ്പോർട്ട് ചെയ്തത്. മലയാളത്തിൽ കോളാമ്പിയാണ് താരം അവസാനമായി അഭിനയിച്ച ചിത്രം. മലയാളത്തിന് പുറമേ തമിഴിലും തെലുങ്കിലും കന്നടയിലും നിത്യാമേനൻ സജീവമാണ്. വിജയ് സേതുപതി നായകനാകുന്ന 19(1) (എ) ആണ് താരത്തിന്റെ പുതിയ റിലീസ് ചിത്രം. ഡിസ്‌നി പ്ലസ് ഹോട്ട്സ്റ്റാറിലൂടെ പുറത്തിറങ്ങുന്ന ചിത്രത്തിന്റെ റിലീസ് തീയതി പ്രഖ്യാപിച്ചിട്ടില്ല.ധനുഷ് നായകനാകുന്ന തിരുചിത്രമ്പലം എന്ന ചിത്രത്തിലും നിത്യാമേനനാണ് നായിക.