ഇനി ആഘോഷം... നയന്താര വിഘ്നേഷ് വിവാഹം നെറ്റ്ഫ്ലിക്സില് തന്നെ കാണാം
പ്രേക്ഷകര് കാത്തിരുന്ന വിവാഹം വീട്ടിലിരുന്നു കാണാം. നയന്താരയുടെയും സംവിധായകന് വിഘ്നേഷ് ശിവന്റെയും വിവാഹം സ്ട്രീം ചെയ്യുമെന്ന് നെറ്റ്ഫ്ലിക്സ് അറിയിച്ചു. ഇരുവരുടെയും ഒരുമിച്ചുള്ള ചിത്രങ്ങള് പങ്കുവച്ചുകൊണ്ടാണ് നെറ്റ്ഫ്ലിക്സ് ഇക്കാര്യം വ്യക്തമാക്കിയത്.
വിവാഹത്തിന്റെ സംപ്രേക്ഷണാവകാശം 25 കോടി രൂപയ്ക്കാണ് നെറ്റ്ഫ്ലിക്സിന് നല്കിയത്. മഹാബലിപുരത്തെ ഒരു ആഡംബര റിസോര്ട്ടിലായിരുന്നു വിവാഹം. ഷാരൂഖ് ഖാന്, കമല് ഹാസന്, രജനികാന്ത്, സൂര്യ, ജ്യോതിക തുടങ്ങിയ പ്രമുഖര് ചടങ്ങില് പങ്കെടുത്തിരുന്നു. വിവാഹത്തിന്റെ എല്ലാ ചെലവുകളും നെറ്റ്ഫ്ലിക്സ് തന്നെയാണ് വഹിച്ചത്.
സ്ട്രീമിങ് എപ്പോള് ആരംഭിക്കുമെന്ന് വ്യക്തമല്ല. റൗഡി പിക്ചേഴ്സിന്റെ ബാനറില് ഗൗതം മേനോനാണ് വിവാഹം ഒരുക്കിയത്. നയന്സ് വിക്കി വിവാഹം സ്ട്രീം ചെയ്യുന്നതില് നിന്ന് നെറ്റ്ഫ്ലിക്സ് പിന്മാറുന്നു എന്ന റിപ്പോര്ട്ടുകള് തള്ളിക്കൊണ്ടാണ് ഇപ്പോള് ഔദ്യോഗിക പ്രഖ്യാപനം വന്നിരിക്കുന്നത്. പുതുമയുള്ള കണ്ടന്റുകള് നെറ്റ്ഫ്ലിക്സ് ഇന്ത്യ എല്ലായ്പ്പോഴും പ്രേക്ഷകരില് എത്തിക്കാറുണ്ട്.
നയന്താര ഒരു സൂപ്പര്താരമാണ്. 20 വര്ഷത്തോളമായി അവര് സിനിമയില് സജീവമാണ്. തങ്ങളുടെ ക്രിയാത്മകമായ ടീമിനൊപ്പം സംവിധായകന് ഗൗതം മേനോനും ചേര്ന്ന് പകര്ത്തിയ നയന്താരയുടെ അത്ഭുതകരമായ ആ യാത്ര പ്രേക്ഷകരില് ഉടനെയെത്തും', നെറ്റ്ഫ്ലിക്സ് ഇന്ത്യ തലവന് ടാന്യ ബാമി പറഞ്ഞു.
https://www.facebook.com/Malayalivartha
