ബോളിവുഡ് താരം രണ്‍വീര്‍ സിംഗ് അടുത്തിടെ നടത്തിയ ഫോട്ടോഷൂട്ടാണ് സമൂഹമാദ്ധ്യമങ്ങളിലെ ചൂടന്‍ ചര്‍ച്ചാവിഷയം. വിചിത്രമായ വസ്ത്രധാരണവും ഫാഷന്‍ സെന്‍സും കൊണ്ട് ആരാധകരെ അമ്ബരപ്പിക്കുന്ന താരം ഇത്തവണ വസ്ത്രമൊന്നും ധരിക്കാതെയാണ് ഞെട്ടിച്ചിരിക്കുന്നത്.

പേപ്പര്‍ മാഗസിനുവേണ്ടി പൂര്‍ണ നഗ്‌നനായി പോസ് ചെയ്ത താരത്തിന്റെ ചിത്രങ്ങളെല്ലാം വൈറലാണ്. പ്രിയങ്ക ചോപ്ര, പരിനീതി ചോപ്ര, അനുരാഗ് കശ്യപ് തുടങ്ങിയ താരങ്ങള്‍ രണ്‍വീറിനെ അഭിനന്ദിച്ച് രംഗത്തെത്തിയപ്പോള്‍ വ്യത്യസ്ത കുറിപ്പോടെയാണ് മോഡലും നടിയുമായ പൂനം പാണ്ഡെ എത്തിയിരിക്കുന്നത്.

തന്റെ സ്വന്തം ഗെയിമില്‍ രണ്‍വീര്‍ തന്നെ തോല്‍പ്പിച്ചിരിക്കുന്നു എന്ന അടിക്കുറിപ്പോടെയാണ് താരം രണ്‍വീറിന്റെ ചിത്രങ്ങള്‍ സമൂഹമാദ്ധ്യമത്തില്‍ പങ്കുവച്ചിരിക്കുന്നത്. ബോള്‍ഡ് വസ്ത്രധാരണത്തിന് ഏറെ പേരുകേട്ട താരമാണ് പൂനം പാണ്ഡെ.

അതേസമയം, പൂര്‍ണ നഗ്‌നനായി പോസ് ചെയ്തതില്‍ യാതൊരു പ്രശ്‌നവുമില്ലെന്ന് രണ്‍വീര്‍ സിംഗ് പറഞ്ഞു. ആയിരത്തിലധികം ആളുകള്‍ക്ക് മുന്നില്‍ പൂര്‍ണ നഗ്‌നനായി നില്‍ക്കാന്‍ തനിക്കൊരു മടിയും തോന്നിയില്ല. ചില ചിത്രങ്ങളില്‍ താന്‍ ആത്മാവ് നഗ്‌നമാക്കി അഭിനയിച്ചിട്ടുണ്ടെന്നും അതാണ് യഥാര്‍ത്ഥ നഗ്‌നതയെന്നും താരം പറഞ്ഞു.