ബഷീർ ബഷിയും കുടുംബവും ഇന്ന് മലയാളികൾക്ക് സുപരിചിതരാണ്. സമൂഹ മാധ്യമങ്ങളിലൂടെ ഇവരുടെ വിശേഷങ്ങൾ ആരാധകരുമായി പങ്കുവെക്കാറുമുണ്ട്. അടുത്തിടെയാണ് കുടുംബത്തിലേക്ക് ഒരു കുഞ്ഞതിഥി എത്താൻ പോകുന്ന സന്തോഷ വിവരം അറിയിച്ചത്. ബഷീർ ബഷിയുടെ രണ്ടാം ഭാര്യ മഷൂറ ​ഗർഭിണിയാണെന്ന വിവരമാണ് ഇവരുടെ യുട്യൂബ് ചാനലിലൂടെ അരാധകരെ അറിയിച്ചത്. പിന്നീടുുള്ള ഓരോ വിശേഷവും വീഡിയോയിലൂടെ കുടുംബം അറിയിക്കുന്നുണ്ട്. മഷൂറയുടെ യുട്യൂബ് ചാനലിലൂടെയാണ് ​വിശേഷങ്ങൾ കൂടുതലും പങ്കുവെക്കുന്നത്. ബിഗ് ബോസില്‍ പങ്കെടുത്തോട് കൂടിയാണ് ബഷീറിന്റെ വിവാഹത്തെ കുറിച്ചും ഭാര്യമാരെ കുറിച്ചുമൊക്കെയുള്ള കഥകള്‍ പുറത്ത് വരുന്നത്. പിന്നീടിങ്ങോട്ട് നിരന്തരം വിമര്‍ശനങ്ങളാണ് താരകുടുംബത്തിന് ലഭിച്ചിരുന്നത്. എങ്കിലും ഭാര്യമാരുടെ കൂടെ സന്തോഷത്തോടെ കഴിയുകയാണ് താരമിപ്പോള്‍.

ഇപ്പോഴിതാ വേറിട്ട ദാമ്പത്യത്തെ കുറിച്ച് തുറന്ന് പറയുകയാണ് താരമിപ്പോൾ.. രണ്ട് ഭാര്യമാരുമായി സന്തോഷത്തോടെ ജീവിക്കാന്‍ സാധിക്കുന്നത് എന്റെ കഴിവ് മാത്രമല്ലെന്ന് പറഞ്ഞാണ് ബഷീര്‍ സംസാരിച്ച് തുടങ്ങിയത്. 'ഇതിന്റെ ക്രെഡിറ്റ് എനിക്കല്ല. ഇവര്‍ തമ്മിലുള്ള ഒത്തൊരുമയാണ് ഈ വിജയം. രണ്ട് ഭാര്യമാരില്‍ ഒരാള്‍ കുറച്ച് പ്രശ്‌നക്കാരിയും മറ്റെയാളെ ഇഷ്ടപ്പെട്ടില്ലെങ്കില്‍ കൂടി ഇത് തകര്‍ന്ന് പോവും. രണ്ടോ മൂന്നോ ദിവസമേ ഈ ബന്ധം മുന്നോട്ട് പോവൂ. അവിടെ തീര്‍ച്ചയായും അടി നടക്കും. ഇവര്‍ തമ്മില്‍ യോജിച്ച് പോവുന്നുണ്ട്. അതുകൊണ്ടാണ് ഇതൊന്നും എന്റെ കഴിവല്ലെന്ന് പറഞ്ഞതെന്ന്' ബഷീര്‍ വ്യക്തമാക്കുന്നു. ആറ് മാസത്തിന് അപ്പുറം രണ്ട് ഭാര്യമാരെയും ഒരുമിച്ച് കൊണ്ട് പോവുക എന്നത് സാധ്യമല്ലെന്ന് മുന്‍പ് പലരും പറഞ്ഞിരുന്നു. അതിന് ശേഷം വര്‍ഷങ്ങളായി. എന്നിട്ടും ബഷീറിന്റെ രണ്ട് വശത്തുമായി ഭാര്യമാര്‍ നില്‍ക്കുന്നുണ്ടെങ്കില്‍ അത് വലിയ കാര്യമാണ്. രണ്ട് ഭാര്യമാര്‍ക്കൊപ്പമുള്ള ജീവിതം മുന്നോട്ട് കൊണ്ട് പോവാന്‍ മറ്റുള്ളവര്‍ക്ക് ഉപദേശം നല്കാനാകില്ല. 'ഇങ്ങനൊരു ജീവിതം ജീവിക്കാന്‍ ഞാന്‍ ആരോടും പറയില്ല. അതിന് കാരണമുണ്ട്.

ഞാന്‍ രണ്ട് കെട്ടിയത് എങ്ങനെയാണെന്ന് ചോദിച്ചോണ്ട് ഒരുപാട് മെസേജുകളും മെയിലുകളും എനിക്ക് വരാറുണ്ട്. എന്റെ ഭാഗത്ത് നിന്ന് നിര്‍ദ്ദേശങ്ങള്‍ കൊടുക്കാന്‍ പറഞ്ഞാണ് ഓരോരുത്തരും മെസേജ് അയക്കുന്നത്. ഞാന്‍ അവരോട് ഒരിക്കലും ചെയ്യരുതെന്നാണ് പറയുന്നത്. കാരണം ആ ഭാര്യമാര്‍ രണ്ട് പേരും നല്ല രീതിയില്‍ പോയില്ലെങ്കില്‍ ഭര്‍ത്താവിന് കയറെടുക്കേണ്ടി വരുമെന്നും' ബഷീര്‍ പറയുന്നു. ശരിക്കും ഇത് റിസ്‌ക് ഉള്ള ജീവിതമാണ്.

ഒരിക്കലും ചെയ്യരുതെന്നേ പറയൂ. പിന്നെ ഇത് ബഷീര്‍ ബഷി ഉണ്ടാക്കിയ സംസ്‌കാരം ഒന്നുമല്ല. പണ്ട് മുതലേ ഇങ്ങനെയുള്ള ബന്ധങ്ങളുണ്ട്. നമ്മള്‍ ആരാധിക്കുന്ന പല മതങ്ങളിലെ ദൈവങ്ങള്‍ക്ക് പോലും ഇങ്ങനൊരു സംസ്‌കാരം ഉണ്ടായിരുന്നു. 2009 ലാണ് ഞാനും സുഹാനയും തമ്മില്‍ വിവാഹിതരാവുന്നത്. 2018 ലാണ് മഷൂറയുമായിട്ടുള്ള വിവാഹമെന്നും ബഷീര്‍ പറയുന്നു. അതേ സമയം മഷൂറയെ കുറിച്ച് സുഹാനയും വേദിയില്‍ സംസാരിച്ചിരുന്നു. ഞങ്ങള്‍ ശരിക്കും സഹോദരിമാരെ പോലെയും കൂട്ടുകാരെ പോലെയുമാണ്. എന്റെ രണ്ട് മക്കളെ പോലെ മൂന്നാമത്തൊരു മകളായിട്ടുള്ള സ്‌നേഹവും കെയറിങ്ങും കൊടുക്കാറുണ്ടെന്നും സുഹാനയും പറഞ്ഞു. എന്തായാലും താരകുടുംബത്തെ സോഷ്യൽ മീഡിയയും ഏറ്റെടുത്തിരിക്കുകയാണ്.