ലെഫ്റ്റനന്റ് റാം' എന്ന കഥാപാത്രത്തെ ദുല്ഖര് അവതരിപ്പിക്കുമ്പോള് 'സീത' എന്ന കഥാപാത്രമായി മൃണാള് എത്തുന്നു... ദുല്ഖര് നായകനാകുന്ന പുതിയ ചിത്രം ‘സീതാ രാമ’ത്തിന്റെ ട്രെയ്ലര് പുറത്ത്! ഏറ്റെടുത്ത് ആരാധകർ
ദുല്ഖര് നായകനാകുന്ന പുതിയ ചിത്രം ‘സീതാ രാമ’ത്തിന്റെ ട്രെയ്ലര് പുറത്ത് വന്നു. ഹനു രാഘവപുടിയാണ് ചിത്രം സംവിധാനം ചെയ്യുന്നത്. മൃണാള് താക്കാറാണ് ചിത്രത്തില് ദുല്ഖറിന്റെ നായിക. ‘ലെഫ്റ്റനന്റ് റാം’ എന്ന കഥാപാത്രത്തെ ദുല്ഖര് അവതരിപ്പിക്കുമ്പോള് ‘സീത’ എന്ന കഥാപാത്രമായിട്ടാണ് മൃണാള് എത്തുന്നത്. ‘അഫ്രീന്’ എന്ന കഥാപാത്രമായി രശ്മിക മന്ദാനയും അഭിനയിക്കുന്നു. ‘സീതാ രാമം’ ചിത്രത്തിന്റെ ഫോട്ടോകള് ഓണ്ലൈനില് തരംഗമായിരുന്നു. ദുല്ഖറിന് തെലുങ്കില് മികച്ച ഒരു ഹിറ്റ് സമ്മാനിക്കുന്നതായിരിക്കും ചിത്രമെന്നാണ് ട്രെയിലര് സൂചിപ്പിക്കുന്നത്. തെലുങ്കിനു പുറമേ തമിഴിലും മലയാളത്തിലും ചിത്രം പ്രദര്ശനത്തിന് എത്തും. പി എസ് വിനോദാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സോണി മ്യൂസിക് ആണ് ചിത്രത്തിന്റെ ഓഡിയോ അവകാശം സ്വന്തമാക്കിയിരിക്കുന്നത്. സ്വപ്ന സിനിമയാണ് ചിത്രം നിര്മിക്കുന്നത്. വൈജയന്തി മൂവീസ് ചിത്രം വിതരണം ചെയ്യുന്നു. സുനില് ബാബുവാണ് ചിത്രത്തിന്റെ പ്രൊഡക്ഷന് ഡിസൈന്. ജമ്മു കശ്മീരാണ് ചിത്രത്തിന്റെ ലൊക്കേഷന്.
https://www.facebook.com/Malayalivartha
