ദുൽഖർ സൽമാനും , ഹനു രാഘവപുടിയും , സ്വപ്ന സിനിമാസും ഒന്നിക്കുന്ന സീതാരാമം 2022 ഓഗസ്റ്റ് അഞ്ചിന് ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തുകയാണ്. വൈജയന്തി മൂവീസ് അവതരിപ്പിക്കുന്ന സീതാരാമം, പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന പ്രണയകഥയാണ്. ദുൽഖർ സൽമാൻ നായകനാകുന്ന ചിത്രത്തിൽ പ്രണയ ജോഡി ആയി മൃണാൽ തക്കൂർ എത്തുന്നു. ഒപ്പം മറ്റൊരു പ്രധാന വേഷത്തിൽ രശ്മിക മന്ദാനയും ചിത്രത്തിലെത്തുന്നുണ്ട്. പ്രണയകഥകളുടെ മാസ്റ്റർ ഹനു രാഘവപുടിയാണ് ചിത്രം സംവിധാനം ചെയ്യുന്നത്. എന്നാലിപ്പോഴിതാ സീതാരാമം സിനിമയുടെ ട്രെയിലർ ലോഞ്ചിനിടെ ദുൽഖർ പറഞ്ഞ വാക്കുകളാണ് വൈറലാകുന്നത്.

"റൊമാന്റിക് ഹീറോ എന്ന വിളി കേട്ട് മടുത്തു. പ്രണയ ചിത്രങ്ങളിൽ ഇനി അഭിനയിക്കുന്നില്ല എന്ന കരുതിയതാണ്. ആക്ഷൻ, മാസ് ചിത്രങ്ങൾ ഞാൻ ചെയ്യുന്നില്ല എന്നാണ് പലർക്കും പരാതി. അപ്പോഴാണ് ഹനു സർ ഈ സിനിമയുടെ കഥയുമായി എന്നെ സമീപിക്കുന്നത്. മനോഹരമായ കഥ, ഇതു കൂടി ചെയ്യാമെന്ന് കരുതി. ഇത് എന്റെ അവസാന പ്രണയ ചിത്രമാണെന്നായിരുന്നു ദുൽഖർ പറഞ്ഞത്.