കോവിഡ് കാലത്തിന് ശേഷം വരുമാനം ഇടിഞ്ഞു; തെലുങ്ക് സിനിമാ മേഖലയിലും പ്രതിസന്ധി, തെലുങ്ക് ചിത്രങ്ങളുടെ നിര്മ്മാണം നിര്ത്താനൊരുങ്ങി നിര്മ്മാതാക്കള്! പ്രതിസന്ധി പരിഹരിക്കാനുള്ള വഴികള് കണ്ടെത്തുന്നത് വരെ ചിത്രീകരണം നിര്ത്തിവെയ്ക്കുന്നുവെന്ന തീരുമാനത്തില് ഉറച്ച് നില്ക്കാൻ നിര്മ്മാതാക്കളുടെ തീരുമാനം
ബോളിവുഡിന് കടുത്ത വെല്ലുവിളി ഉയര്ത്തിയ തെലുങ്ക് സിനിമാ മേഖലയിലും പ്രതിസന്ധി ഉയരുന്നതായി റിപ്പോർട്ട്. കോവിഡ് വളരെ ദോഷകരമായി ബാധിച്ച സിനിമാ വ്യവസായം കരകയറി വരുന്ന സാഹചര്യത്തിലാണ് ഇത്തരത്തിൽ പ്രതിസന്ധി ഉടലെടുത്തിരിക്കുന്നത്. കോവിഡ് കാലത്തിന് ശേഷം വരുമാനം ഇടിഞ്ഞതിനാല് തന്നെ തെലുങ്ക് ചിത്രങ്ങളുടെ നിര്മ്മാണം നിര്ത്താനൊരുങ്ങുകയാണ് നിലവിൽ നിര്മ്മാതാക്കള്.
അതായത് വരുമാനം കുറഞ്ഞെന്നും ചെലവ് വര്ധിച്ചെന്നുമാണ് നിര്മ്മാതാക്കള് പറയുന്നത്. ഇതുമായി ബന്ധപ്പെട്ട് സിനിമാ താരങ്ങളുമായും സാങ്കേതിക പ്രവര്ത്തകരുമായും നിര്മ്മാതാക്കളുടെ സംഘടന നടത്തിയ ചര്ച്ചകള് പരാജയപ്പെട്ടതായാണ് ലഭ്യമാകുന്ന വിവരം. ഇതോടെ ഓഗസ്റ്റ് 1 മുതല് തന്നെ സിനിമകളുടെ ചിത്രീകരണം നിര്ത്തിവെയ്ക്കുകയാണെന്ന് അറിയിച്ചിരിക്കുകയാണ് നിര്മ്മാതാക്കള്.
ഇതുകൂടാതെ സിനിമാ മേഖല നേരിടുന്ന പ്രതിസന്ധിയെ കുറിച്ച് ചര്ച്ച ചെയ്യുകയെന്നത് തങ്ങളുടെ ഉത്തരവാദിത്വമാണെന്നും സിനിമാ വ്യവസായത്തെ തിരികെ കൊണ്ടുവരേണ്ടതുണ്ടെന്നും ആക്റ്റീവ് തെലുങ്ക് ഫിലിം പ്രൊഡ്യൂസേഴ്സ് ഗില്ഡ് എന്ന സംഘടന വാര്ത്താ കുറിപ്പിലൂടെ അറിയിക്കുകയുണ്ടായി. പ്രതിസന്ധി പരിഹരിക്കാനുള്ള വഴികള് കണ്ടെത്തുന്നത് വരെ ചിത്രീകരണം നിര്ത്തിവെയ്ക്കുന്നുവെന്ന തീരുമാനത്തില് ഉറച്ച് നില്ക്കാനാണ് നിര്മ്മാതാക്കളുടെ തീരുമാനം എന്നത്.
https://www.facebook.com/Malayalivartha
