മോഹന്ലാലിന്റെ സിനിമകള് ഒടിടിയില് മാത്രം പ്രദര്ശിപ്പിക്കുന്നുവെങ്കില് അദ്ദേഹത്തിന് മുന്നോട്ട് പോകാമെന്ന് തിയേറ്റര് സംഘടന! ഫിലിം ചേമ്പറില് രജിസ്റ്റര് ചെയ്ത ചിത്രങ്ങള് ഒടിടിയില് റിലീസ് ചെയ്യുന്നത് ശരിയല്ല.. ഒടിടി പ്ലാറ്റ്ഫോമുകളെ നിയന്ത്രിക്കണമെന്ന ആവശ്യവുമായി തിയേറ്റർ ഉടമകളുടെ സംഘടനയായ ഫിയോക്
തിയേറ്റർ ഉടമകളുടെ സംഘടനയായ ഫിയോക് കഴിഞ്ഞ ദിവസമായിരുന്നു എക്സിക്യൂട്ടീവ് യോഗം ചേർന്നത്. സിനിമ തിയേറ്റർ പ്രതിസന്ധിയായിരുന്നു പ്രധാന ചർച്ച വിഷയം. യോഗത്തിന് പിന്നാലെ നിർണായക തീരുമാനങ്ങളായിരുന്നു ഉൾക്കൊണ്ടത്. എന്നാലിപ്പോഴിതാ ഒടിടി പ്ലാറ്റ്ഫോമുകളെ നിയന്ത്രിക്കണമെന്ന ആവശ്യവുമായി തിയേറ്റർ ഉടമകളുടെ സംഘടനയായ ഫിയോക് രംഗത്തെത്തുകയാണ്. 56 ദിവസങ്ങൾക്ക് ശേഷമേ ഒടിടി റിലീസ് അനുവദിക്കാവൂ എന്ന് ഫിലിം ചേംബറിനോട് ഫിയോക് പ്രസിഡന്റ് കെ വിജയകുമാർ ആവശ്യപ്പെട്ടു. ഫിലിം ചേംബറില് ടൈറ്റില് രജിസ്റ്റര് ചെയ്ത ചിത്രം ഒടിടിയില് കൊടുത്തിട്ട് തിയേറ്ററുകളിലേക്ക് വന്നാൽ പ്രദർശിപ്പിക്കില്ലെന്നും ഫിയോക് വ്യക്തമാക്കി.
മോഹൻലാലിന്റെ 'എലോൺ' ഒടിടിയിൽ പോയിട്ട് അടുത്ത ചിത്രം തിയേറ്റർ പ്രദർശിപ്പിക്കാൻ വന്നാൽ സ്വീകരിക്കില്ലെന്ന് ഫിയോക് ഭാരവാഹികൾ പറഞ്ഞു. ജീവിക്കാന് കഴിവില്ലാത്തവരല്ലല്ലോ സിനിമ ഒടിടിയില് കൊടുക്കുന്നതെന്നും ഫിയോക്ക് ഭാരവാഹികള് ചോദിക്കുന്നു. മോഹന്ലാലിന്റെ സിനിമകള് ഒടിടിയില് മാത്രം പ്രദര്ശിപ്പിക്കുന്നുവെങ്കില് അദ്ദേഹത്തിന് മുന്നോട്ട് പോകാമെന്ന് തിയേറ്റര് സംഘടന ഫിയോകിന്റെ പ്രസിഡന്റ് വിജയകുമാര്. ഫിലിം ചേമ്പറില് രജിസ്റ്റര് ചെയ്ത ചിത്രങ്ങള് ഒടിടിയില് റിലീസ് ചെയ്യുന്നത് ശരിയല്ലെന്നും അദ്ദേഹം പറഞ്ഞു. ഇപ്പോള് തന്നെ മോഹന്ലാലിന്റെ മൂന്ന് നാല് സിനിമകള് ഒടിടിയില് റിലീസ് ചെയ്തില്ലേ. ഏത് പ്ലാറ്റ്ഫോമില് പ്രദര്ശിപ്പിക്കണം എന്നത് ഒരു നിര്മാതാവും അഭിനേതാവുമാണ് തീരുമാനിക്കുന്നത്. അദ്ദേഹത്തിന് അങ്ങനെ തന്നെ മുന്നോട്ട് പോകാം. അപ്പോള് തിയേറ്ററിന്റെ ആവശ്യം വരുന്നില്ലല്ലോ. തിയേറ്ററില് റീലീസ് ചെയ്യാം എന്ന് പറഞ്ഞ ശേഷം ഒടിടിയില് റിലീസ് ചെയ്യുന്നതില് മാത്രമാണ് ഞങ്ങളുടെ എതിര്പ്പ്. ഒരു നടന്റെയും നടിയുടെയും സമ്മതമില്ലാതെ അവരുടെ സിനിമ ഒടിടിയിലേക്ക് പോകില്ല.
ഒടിടിയ്ക്ക് വേണ്ടിയുണ്ടാക്കുന്ന ചിത്രങ്ങള് ഒടിടിയില് തന്നെ റിലീസ് ചെയ്തോട്ടെ. അതില് ഞങ്ങള്ക്ക് ബുദ്ധിമുട്ട് തോന്നേണ്ട ആവശ്യമില്ല. എവിടെ നിന്നാണ് ഒരു നടന് ഉദയം ചെയ്യുന്നത്. ജീവിക്കാന് നിവര്ത്തിയില്ലാത്ത, ചാന്സ്സ് കുറവുള്ള വര്ഷത്തില് ഒന്നോ രണ്ടോ സിനിമകള് മാത്രം ചെയ്യുന്ന നടന്മാര് അവരുടെ സിനിമകള് ഒടിടിയില് റിലീസ് ചെയ്യുന്നതില് ഞങ്ങള്ക്ക് എതിര്പ്പില്ല. എന്നാല് ഇപ്പോള് നടക്കുന്നത് അതൊന്നുമല്ലല്ലോ. ഫിലിം ചേമ്പറില് രജിസ്റ്റര് ചെയ്ത സിനിമകള് തിയേറ്ററില് റിലീസ് ചെയ്യണം. അല്ലാത്ത സിനിമകളെക്കുറിച്ച് പറയാന് ഞങ്ങള്ക്ക് അവകാശമില്ലെന്നും പറയുകയാണ് വിജയകുമാര്.
https://www.facebook.com/Malayalivartha
