സിനിമ സ്വപ്‌നം കാണുന്ന ഒരുപാടാളുകള്‍ നമുക്ക് ചുറ്റുമുണ്ട്. അങ്ങനെയൊരു സ്വപ്നം ഫ്ലെക്സ് ബോർഡിലെഴുതി പൊതുമധ്യത്തില്‍ വച്ചിരിക്കുകയാണ് കോട്ടയം പനച്ചിക്കാട് സ്വദേശി ശരത്. എറണാകുളം പുതിയകാവ്- തൃപ്പൂണിത്തുറ റോഡിലാണ് ശരത് ഹോർഡിങ് സ്ഥാപിച്ചത്. കൂടെ അദ്ദേഹത്തിന്റെ ചിത്രവും ഫോണ്‍ നമ്പറുമുണ്ട്. ആര്‍ക്കുവേണമെങ്കിലും അവസരം നല്‍കാം. പത്താം ക്ലാസ് മുതൽ പല സിനിമകളിലും ജൂനിയർ ആർട്ടിസ്റ്റായി പ്രവർത്തിച്ചു. തുടർന്നും അവസരങ്ങൾ ശരത്തിനെ തേടിയെത്താത്തതിനെ തുർന്നാണ് ഫ്ലെക്സ് സ്ഥാപിച്ചത്. സിനിമാ മേഖല കൊച്ചി കേന്ദ്രീകരിച്ചതിനാലാണ് ശരത് ഫ്ലെക്സ് ബോർഡ് തൃപ്പൂണിത്തുറയിൽ സ്ഥാപിച്ചത്. നാല് പതിറ്റാണ്ടു മുൻപ് സമാന രീതിയിൽ പത്രപരസ്യം നൽകിയ മമ്മൂട്ടിയാണ് ഇദ്ദേഹത്തിന്റെ പ്രചോദനം. സ്വന്തം പേരും, ഫോട്ടോയും, ഫോൺ നമ്പറും ഇതിൽ നൽകിയിട്ടുണ്ട്. ഇത് കണ്ടെങ്കിലും ആരെങ്കിലും വിളിക്കും എന്ന പ്രതീക്ഷയിലാണ് ശരത്.