സുരേഷ് ഗോപിയുടെ ഗംഭീര തിരിച്ചുവരവ് തന്നെ... ഇന്വസ്റ്റിഗേഷന് ത്രില്ലര് ചിത്രമായ പാപ്പന് മികച്ച പ്രതികരണം; ഏറ്റെടുത്ത് ആരാധകർ
ജോഷി സംവിധാനം ചെയ്യുന്ന സുരേഷ് ഗോപി നായകനായ ചിത്രം 'പാപ്പന്' തിയറ്ററുകളില് പ്രദര്ശനത്തിന് എത്തിയിരിക്കുകയാണ്. ഇന്വസ്റ്റിഗേഷന് ത്രില്ലര് ചിത്രമായ പാപ്പന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. സുരേഷ് ഗോപിയുടെ ഗംഭീര തിരിച്ചുവരവാണ് പാപ്പന് എന്ന പ്രതികരണമാണ് പ്രേക്ഷകരില് നിന്ന് ലഭിക്കുന്നത്. ഒരു ഇടവേളയക്ക് ശേഷം സുരേഷ് ഗോപി വീണ്ടും പോലീസ് കഥാപാത്രത്തെ അവതരിപ്പിക്കുന്നു, മകന് ഗോകുല് സുരേഷും സുരേഷ് ഗോപിയും ഒന്നിക്കുന്നു, നീണ്ട ഇടവേളയ്ക്ക് ശേഷം ജോഷി-സുരേഷ് ഗോപി കോംബോ തുടങ്ങി നിരവധി സവിശേഷതകളുമായാണ് പാപ്പന് പ്രേക്ഷകര്ക്ക് മുന്നിലെത്തിയത്. പാപ്പന് എന്നാല് മെമ്മറീസിന്റെ അച്ഛനായിട്ട് വരുമെന്നാണ് സിനിമ കണ്ടിറങ്ങിയവര് പറയുന്നത്. സുരേഷ് ഗോപിയെ മാത്രം ആശ്രയിച്ചല്ല കഥ മുന്നോട്ട് പോകുന്നതെന്നും ഒരു ഇന്വസ്റ്റിഗേഷന് ത്രില്ലറിന് വേണ്ട എല്ലാ ചേരുവയും പാപ്പനിലുണ്ടെന്നുമാണ് പ്രേക്ഷകര് പറയുന്നത്.
അതേസമയം, ചിത്രത്തിന് സമ്മിശ്ര അഭിപ്രായം പറയുന്നവരുമുണ്ട്. ചിത്രത്തിലെ ട്വിസ്റ്റ് ഊഹിക്കാന് സാധിക്കുമെന്നും ജോഷിയുടെ മറ്റ് സിനിമകളുമായി താരതമ്യം ചെയ്താല് ശരാശരി മാത്രമാണ് പാപ്പനെന്നും പ്രേക്ഷകര് പറയുന്നു. ആദ്യ പകുതിയില് കുറച്ച് ലാഗ് തോന്നിപ്പിക്കുന്നുവെന്നും രണ്ടാം പകുതി മെച്ചപ്പെട്ടതാണെന്നും അഭിപ്രായമുണ്ട്. മാസ് പ്രതീക്ഷിച്ച് പോകുന്നവര് നിരാശപ്പെടുമെന്നും ചിത്രം ക്ലാസ് ആണെന്നുമാണ് പൊതുവെയുള്ള അഭിപ്രായം. സുരേഷ് ഗോപിയുടെ സ്ക്രീന് പ്രസന്സാണ് പ്രേക്ഷകര് ചൂണ്ടിക്കാട്ടുന്ന മറ്റൊരു കാര്യം. ചിത്രത്തിന്റെ ക്യാമറ, എഡിറ്റിംഗ് ടീമിനെ പ്രശംസിക്കുന്നവരും ഏറെയാണ്. 'പൊറിഞ്ചു മറിയം ജോസി'ന്റെ വിജയത്തിനു ശേഷം ജോഷി സംവിധാനം ചെയ്യുന്ന ചിത്രം കൂടിയാണ് പാപ്പന്. ആശ ശരത്ത്, കനിഹ, ചന്ദുനാഥ്, വിജയരാഘവന്, ടിനി ടോം, ഷമ്മി തിലകന് തുടങ്ങിയവരും കഥാപാത്രങ്ങളായെത്തുന്നു. ഡേവിഡ് കാച്ചപ്പിള്ളി പ്രൊഡക്ഷന്സിന്റെയും ക്യൂബ്സ് ഇന്റര്നാഷണല് ഗ്രൂപ്പിന്റെയും ബാനറില് ഒരുങ്ങുന്ന ചിത്രം ഡേവിഡ് കാച്ചപ്പിള്ളിയും ഷരീഫ് മുഹമ്മദും ചേര്ന്നാണ് നിര്മ്മിച്ചിരിക്കുന്നത്. ചിത്രത്തിന്റെ തിരക്കഥയൊരുക്കിയത് ആര്ജെ ഷാനാണ്.
https://www.facebook.com/Malayalivartha
