നായികമാരില്‍ മുന്‍ നിരയിലാണ് ലേഡി സൂപ്പര്‍ സ്റ്റാര്‍ നയന്‍താര. താരത്തിന്റെ താരമൂല്യം ഇപ്പോള്‍ കോടികള്‍ ആണെന്നാണ് പുറത്തുവരുന്ന വിവരം. ദി ലജന്‍ഡില്‍ നായികയാകാന്‍ നയന്‍താരയ്ക്ക് മുമ്ബില്‍ വച്ചത് കോടികളുടെ ഓഫറെന്നാണ് റിപ്പോര്‍ട്ട്.

എന്നാല്‍ ചിത്രത്തില്‍നിന്ന് നയന്‍സ് പിന്മാറുകയായിരുന്നു. ബോളിവുഡ് താരം ഉര്‍വശി റൗട്ടേലയാണ് ചിത്രത്തില്‍ നായികയായി എത്തിയത്. സിനിമയിലേക്ക് കാസ്റ്റ് ചെയ്യുന്നതിന്റെ ഭാഗമായി ലജന്‍ഡ്‌സ് ടീം നയന്‍സിനെ കാണുകയും വമ്പന്‍ തുക പ്രതിഫലമായി ഓഫര്‍ ചെയ്യുകയും ചെയ്തിരുന്നു. എന്നാല്‍ നയന്‍താര അഭിനയിക്കാന്‍ താത്പര്യം പ്രകടിപ്പിച്ചില്ല. ഇതോടെയാണ് അണിയറ പ്രവര്‍ത്തകര്‍ ഉര്‍വശിയെ സമീപിച്ചത്.

ലോകത്താകെ 2500 തിയേറ്ററുകളിലാണ് ചിത്രം റിലീസ് ചെയ്തത്. തമിഴ്‌നാട്ടിലെ 650 അടക്കം ഇന്ത്യയില്‍ 1200 തിയേറ്ററുകളിലാണ് ചിത്രമെത്തിയത്. മൂന്നു ദിവസത്തിനുള്ളില്‍ 11 കോടി രൂപയാണ് ചിത്രം നേടിയത്. ന്യൂ ശരവണ സ്‌റ്റോഴ്‌സ് പ്രൊഡക്ഷന്റെ ബാനറില്‍ ശരവണന്‍ തന്നെയാണ് ചിത്രം നിര്‍മിച്ചത്. 4050 കോടി രൂപയാണ് ബജറ്റ്.

റിലീസിന് മുമ്ബ് തന്നെ ചര്‍ച്ച ചെയ്യപ്പെട്ട ചിത്രം അഞ്ച് ഭാഷകളിലാണ് ഒരുക്കിയത്. ജെഡിജെറി ജോഡി സംവിധാനം ചെയ്ത ചിത്രത്തില്‍ സ്വന്തം പേരില്‍ തന്നെയുള്ള ഒരു ശാസ്ത്രജ്ഞനെയാണ് 52കാരനായ ശരവണന്‍ അവതരിപ്പിച്ചത്. സുമന്‍, ഹരീഷ് പേരടി, വംശി കൃഷ്ണ, നാസര്‍, റോബോ ശങ്കര്‍, യോഗി ബാബു, പ്രഭു തുടങ്ങിയവര്‍ക്കൊപ്പം അന്തരിച്ച നടന്‍ വിവേകും ചിത്രത്തില്‍ വേഷമിട്ടിട്ടുണ്ട്.

ഹാരിസ് ജയരാജ് സംഗീതമൊരുക്കിയ ചിത്രത്തിനായി വൈരമുത്തു, കബിലന്‍, മദന്‍ കാര്‍ക്കി, പാ വിജയ്, സ്‌നേഹന്‍ എന്നിവരാണ് ഗാനങ്ങളെഴുതിയത്. ആര്‍. വേല്‍രാജ് ഛായാഗ്രഹണവും റൂബന്‍ എഡിറ്റിങ്ങും നിര്‍വഹിച്ച സിനിമ ലിസ്റ്റിന്‍ സ്റ്റീഫന്റെ മാജിക് ഫ്രെയിംസാണ് കേരളത്തില്‍ വിതരണത്തിനെത്തിച്ചത്.