പ്രണയം നടിച്ച് നടി ദിവ്യാ ഭാരതി മുപ്പത് ലക്ഷം രൂപയും സ്വർണവും തട്ടിയെടുത്തെന്ന പരാതിയുമായി യൂട്യൂബർ രംഗത്ത്. വിവാഹിതയാണെന്നും. രണ്ട് മക്കളുടെ അമ്മയാണെന്ന കാര്യവും മറച്ച് വച്ചാണ് നടി തന്നെ പ്രണയിച്ചതെന്നും ഇയാൾ ആരോപിക്കുന്നു. ഇയാളുടെ യൂട്യൂബ് ചാനലിന്റെ പ്രമോഷന് വേണ്ടിയാണ് നടിയെ ആദ്യം കാണുന്നത്. തുടർന്ന് ആനന്ദരാജ് ദിവ്യഭാരതിയുടെ വീഡിയോകൾ ചിത്രീകരിക്കുകയും പശ്ചാത്തലത്തിൽ തന്റെ കവിതകൾ പറയുകയും ചെയ്തിരുന്നു.

പിന്നീട് ഈ സൗഹൃദം പ്രണയത്തിലേയ്ക്ക് വഴിമാറുകയായിരുന്നു. യൂട്യൂബർ നടിയെ വിവാഹം കഴിക്കാനുള്ള ആഗ്രഹം പ്രകടിപ്പിക്കുകയും മാതാപിതാക്കളുടെ സമ്മതം നേടുകയും ചെയ്തിരുന്നു. തുടര്‍ന്ന് 30,000 രൂപ വീതം എല്ലാ മാസവും തന്റെ പക്കല്‍നിന്ന് ദിവ്യ ഭാരതി വാങ്ങുകയും ചെയ്തു. വിവാഹവുമായി ബന്ധപ്പെട്ട കാര്യങ്ങള്‍ പറയുമ്പോള്‍ പലപ്പോഴും ഇവര്‍ ഒഴിഞ്ഞുമാറി. അതിന്റെ പേരില്‍ തന്നോട് വഴക്കിടുകയും ദിവസങ്ങളോളം മീണ്ടാതിരിക്കുകയും ചെയ്‌തുവെന്നും ഇയാൾ പറയുന്നു.

പിന്നീട് നടിക്ക് ഗുരുതര രോഗമാണെന്നും, ഇതിന്റെ ശസ്ത്രക്രിയയ്ക്കായി ഒമ്പത് ലക്ഷം രൂപ ആവശ്യപ്പെടുകയും, പണം സംഘടിപ്പിച്ച് നല്കിയതിനോടൊപ്പം എട്ട് പവൻ സ്വർണം നൽകുകയും ചെയ്തു. സഹായങ്ങൾ ചെയ്തിട്ടും ഭാരതി ഒഴിവാക്കിയതോടെ പറ്റിക്കപ്പെടുകയാണെന്ന് മനസിലാക്കിയ ഇയാൾ പരാതി നൽകുകയായിരുന്നു. 30 ലക്ഷത്തോളം രൂപ തന്റെ പക്കല്‍നിന്ന് ഇതുവരെ തട്ടിയെടുത്തുവെന്നും ഇയാള്‍ പരാതിയില്‍ പറയുന്നു.