സിനിമയുടെ ട്രെയ്ലര് അസാധാരണമായി തോന്നുന്നു... രാജ്യത്തെ ഏറ്റവും സുന്ദരനായ നായകന്മാരില് ഒരാളാണ് ദുല്ഖര്... ദുല്ഖറിന്റെയും മൃണാലിന്റെയും പ്രകടനത്തെ പുകഴ്ത്തുകയാണ് എല്ലാവരും.. എനിക്ക് സിനിമ കാണണമെന്നേയുള്ളൂ.. ഇത്രയും പാഷനും വമ്പന് ബഡ്ജറ്റുമായി ഒരു സിനിമ നിര്മ്മിക്കുക എന്നത് അത്ര എളുപ്പമുള്ള കാര്യമല്ല.. സീതാ രാമത്തിന്റെ ആദ്യ ടിക്കറ്റ് പ്രഭാസിന്!
ദുല്ഖറിന്റേതായി ആരാധകര് ആകാംക്ഷയോടെ കാത്തിരിക്കുന്ന ചിത്രമാണ് 'സീതാ രാമം'. ദുല്ഖര് പട്ടാളക്കാരനായിട്ടാണ് ചിത്രത്തില് അഭിനയിക്കുന്നത്. 'സീതാ രാമം' ചിത്രത്തിന്റെ ഫോട്ടോകളും ഗാനങ്ങളും ഓണ്ലൈനില് തരംഗമായിരുന്നു. ഇപ്പോഴിതാ ദുല്ഖര് നായകനാകുന്ന ചിത്രത്തിന്റെ അഡ്വാൻസ് ബുക്കിംഗ് ആരംഭിച്ചിരിക്കുകയാണ്. ദുല്ഖര് നായകനാകുന്ന ചിത്രം റിലീസ് ചെയ്യുക ഓഗസ്റ്റ് അഞ്ചിനാണ്. തെലുങ്കിനു പുറമേ തമിഴിലും മലയാളത്തിലും ചിത്രം പ്രദര്ശനത്തിന് എത്തും. ഛായാഗ്രഹണം പി എസ് വിനോദ്, ശ്രേയസ് കൃഷ്ണ എന്നിവരാണ്. സോണി മ്യൂസിക് ആണ് ചിത്രത്തിന്റെ ഓഡിയോ അവകാശം സ്വന്തമാക്കിയിരിക്കുന്നത്.
ഇപ്പോഴിതാ 'സീതാ രാമ'ത്തിന്റെ പ്രീ റിലീസ് ഇവന്റില് തെന്നിന്ത്യന് നടന് പ്രഭാസും പങ്കെടുത്തു. ഇന്നലെ ഹൈദരാബാദില് നടന്ന പരിപാടിയില് ആയിരുന്നു ദുല്ഖറിനുും നടി മൃണാല് ഠാക്കൂറിനൊപ്പം പ്രഭാസും വേദിയില് എത്തിയത്. റിലീസിന് ഒരുങ്ങുന്ന ചിത്രത്തിന്റെ ആദ്യ ടിക്കറ്റും പ്രഭാസ് സ്വന്തമാക്കി. സീതാ രാമം ഒരു പ്രണയ കഥ മാത്രമല്ലെന്നും സിനിമയ്ക്കായി കാത്തിരിക്കുകയാണെന്നും പ്രഭാസ് പറഞ്ഞു. 'സിനിമയുടെ ട്രെയ്ലര് അസാധാരണമായി തോന്നുന്നു. രാജ്യത്തെ ഏറ്റവും സുന്ദരനായ നായകന്മാരില് ഒരാളാണ് ദുല്ഖര്. ഒരു സൂപ്പര് സ്റ്റാറാണ്. 'മഹാനടി' എത്ര മികച്ച ചിത്രമാണ്. ദുല്ഖറിന്റെയും മൃണാലിന്റെയും പ്രകടനത്തെ പുകഴ്ത്തുകയാണ് എല്ലാവരും. എനിക്ക് സിനിമ കാണണമെന്നേയുള്ളൂ. ഇത്രയും പാഷനും വമ്പന് ബഡ്ജറ്റുമായി ഒരു സിനിമ നിര്മ്മിക്കുക എന്നത് അത്ര എളുപ്പമുള്ള കാര്യമല്ല. പ്രണയകഥയ്ക്കൊപ്പം ഒരു യുദ്ധ സീക്വന്സും ചിത്രത്തില് ഉണ്ടാകുമെന്ന് തോന്നുന്നു. ഇതൊരു പ്രണയകഥ മാത്രമല്ല, സിനിമയില് മറ്റ് ഘടകങ്ങളുണ്ട്. ഹാനു രാഘവപുഡിയുടെ സിനിമകള് ഞാന് കണ്ടിട്ടുണ്ട്. അദ്ദേഹം മനോഹരമായ ഒരു സംവിധായകനാണ്. അദ്ദേഹത്തിന്റെ സിനിമ കവിത പോലെയാണ്. ഇന്ഡസ്ട്രിയില് നമുക്കുള്ള ഏറ്റവും മനോഹരമായ സംവിധായകരില് ഒരാളാണ് അദ്ദേഹംമെന്നും പ്രഭാസ് പറഞ്ഞു.
https://www.facebook.com/Malayalivartha
