ബാലതാരമായി മലയാളികളുടെ ഉള്ളിൽ വളരെ പെട്ടന്ന് തന്നെ സ്ഥാനം പിടിച്ച താരമാണ് ബേബി നയൻ‌താര. കുട്ടിയായി കണ്ട താരത്തിന്റെ വളർച്ച വളരെ പെട്ടന്നായിരുന്നു. മലയാള സിനിമയിൽ ഇപ്പോൾ സജീവ സാന്നിധ്യമല്ലെങ്കിലും താരം സോഷ്യൽമീഡിയയിൽ വൈറലാണ്. തന്റെ വിശേഷങ്ങളെല്ലാം ആരാധകരുമായി പങ്കുവെയ്ക്കാറുമുണ്ട്. ഇപ്പോഴിതാ തന്റെ ഒരു ചിത്രമാണ് വൈറലായി മാറുന്നത്. വയലറ്റിൽ വെള്ള പുള്ളികളുള്ള ഒരു വെസ്റ്റേൺ വസ്ത്രം അണിഞ്ഞാണ് താരം ഇത്തവണ ഫോട്ടോ ഷൂട്ടിൽ പ്രത്യക്ഷപെട്ടിരിക്കുന്നത്.

ഒരുപാട് ആരാധകർ ഇപ്പോൾ തന്നെയുള്ള ഒരാളാണ് നയൻ‌താര ചക്രവർത്തി. ഫോട്ടോഷൂട്ടുകളിൽ എല്ലാം ബാലതാരത്തിൽ നിന്ന് ഒരു നായികയാവുന്നുള്ള ലുക്കിലേക്ക് താരം മാറിക്കഴിഞ്ഞു എന്നാണ് പ്രേക്ഷകർ പറയുന്നത്. അതെ സമയം തമിഴ് സൂപ്പർ ഹിറ്റ് ചിത്രം ജെന്റിൽമാന്റെ രണ്ടാം ഭാ​ഗത്തിൽ മലയാളികളുടെ പ്രിയ താരം നയൻതാര ചക്രവർത്തി ആകും നായികയായി എത്തുക.നയന്‍താര ചക്രവര്‍ത്തി തന്നെയാണ് ഈ വിവരം സമൂഹമാധ്യമങ്ങളിലൂടെ അറിയിച്ചത്. നിര്‍മാതാവ് കെ.ടി കുഞ്ഞുമോനൊപ്പമുള്ള ചിത്രം പങ്കുവച്ചായിരുന്നു നയന്‍താര ചക്രവര്‍ത്തിയുടെ അറിയിപ്പ്‌. ബാലതാരമായി മലയാളികളുടെ മനസ്സിൽ ഇടംനേടിയ നയൻതാരയുടെ നായികയായുള്ള ആദ്യ അരങ്ങേറ്റം കൂടിയാണ് ജെന്റിൽമാൻ 2. കിലുക്കം കിലുകിലുക്കത്തിലൂടെ ബാലതാരമായി അരങ്ങേറ്റം കുറിച്ച താരമാണ് നയന്‍താര ചക്രവര്‍ത്തി. ശേഷം ചെസ്സ്, നോട്ടുബുക്ക്, ഇന്‍സ്‌പെക്ടര്‍ ഗരുഡ്, ആകാശം, സൂര്യന്‍, കങ്കാരു,സ്വര്‍ണം, ലൗഡ് സ്പീക്കര്‍,നോവല്‍ തുടങ്ങിയ ചിത്രങ്ങളിലും അഭിനയിച്ചു. താരത്തിന്റെ ട്രിവാന്‍ഡം ലോഡ്ജ് എന്ന ചിത്രത്തിലെ അഭിനയം ഏറെ ശ്രദ്ധേയമായിരുന്നു.