എന്റെ ജീവിതത്തിലെ ഏറ്റവും മോശം ദിവസം! ആ ഒരാഴ്ച ജീവിതത്തില്മറക്കാനാകില്ല! ജീവിതത്തിൽ നിന്ന് മായ്ക്കാൻ ആഗ്രഹിക്കുന്ന ആ ദിവസത്തെ കുറിച്ച് കണ്ണീരോടെ ജോമോൾ..
മലയാളികളുടെ ഇഷ്ട താരമാണ് ജോമോൾ. 2022 ൽ ആയിരുന്നു ജോമോളുടെ വിവാഹം. ചന്ദ്രശേഖരൻ പിള്ളയെ വിവാഹം ചെയ്ത താരം ഹിന്ദു മതം സ്വീകരിച്ച് ഗൗരി ചന്ദ്രശേഖർ എന്ന് പേര് മാറ്റിയിരുന്നു. യാഹുവിൽ കൂടിയാണ് ചന്ദ്രശേഖറിനെ ജോമോൾ കണ്ടുമുട്ടിയത്. നല്ല സുഹൃത്തുകളായി മാറിയ ശേഷം ആണ് ഇരുവരും പ്രണയത്തിലായതും വിവാഹം കഴിച്ചതും. രണ്ടു പെൺകുട്ടികളാണ് ഇവർക്കുള്ളത്. വിവാഹ ശേഷം ഇന്റസ്ട്രിയില് നിന്നും മാറി നിന്ന ജോമോള് ബിസിനസ്സ് കാര്യങ്ങളും കുടുംബ കാര്യങ്ങളുമൊക്കെയായി തിരക്കിലായിരുന്നു. പിന്നീട് ഇന്സ്റ്റഗ്രാമില് സജീവമായ നടി തന്റെ കുടുംബ വിശേഷങ്ങളും കുക്കിങ് വിശേഷങ്ങളും എല്ലാം പങ്കുവയ്ക്കാറുണ്ട്. നൃത്ത പരിശീലനം വീണ്ടും ആരംഭിച്ചതും പ്രേക്ഷകര് അറിഞ്ഞത് ഇന്സ്റ്റഗ്രാമിലൂടെയാണ്. എന്നാല് സജീവ അഭിനയത്തിലേക്ക് ജോമോള് ഇതുവരെ വന്നിട്ടില്ല. ചില സിനിമകളില് അതിഥി വേഷം ചെയ്തിരുന്നു. 2017 ല് പുറത്തിറങ്ങിയ കെയര്ഫുള് ആണ് ഏറ്റവും ഒടുവില് പുറത്തിറങ്ങിയത്. അതിനിടയില് ചില ടെലിവിഷന് ഷോകളില് സാന്നിധ്യം അറിയിച്ചിട്ടുണ്ട്. കോമഡി സ്റ്റാര് സീസണ് 2 യില് വിധികര്ത്താവ് ആയിരുന്നു ജോമോള്.
അടുത്തിടെ അമൃത ടിവിയിലെ റെഡ് കാർപെറ്റ് എന്ന പരിപാടിയിൽ ജോമോൾ പങ്കെടുത്തിരുന്നു. ഷോയിൽ തനറെ വിശേഷങ്ങൾ പങ്കുവച്ച താരം, തന്റെ ജീവിതത്തില് ഒരിക്കല് കൂടെ വേണം എന്ന് ആഗ്രഹിയ്ക്കുന്ന ദിവസത്തെ കുറിച്ചും, തന്റെ ജീവിതത്തില് നിന്ന് മായ്ച്ചു കളയാൻ ആഗ്രഹിക്കുന്ന ദിവസത്തെ കുറിച്ചും സംസാരിച്ചിരുന്നു. ഷോയിൽ നടിയും സുഹൃത്തുമായ അഭിരാമിയുടെ ചോദ്യത്തിന് മറുപടി നൽകുകയായിരുന്നു ജോമോള്. 'തന്റെ ജീവിതത്തില് ഒരിക്കല് കൂടെ സംഭവിച്ചിരുന്നുവെങ്കില് എന്ന് ആഗ്രഹിക്കുന്ന ദിവസത്തെ കുറിച്ചും, ആ ദിവസം എന്റെ ജീവിതത്തില് സംഭവിച്ചില്ലായിരുന്നെങ്കില് എന്ന് കരുതി മായ്ച്ചു കളയാന് ആഗ്രഹിക്കുന്ന ദിവസത്തെ കുറിച്ചും പറയാമോ' എന്നായിരുന്നു അഭിരാമിയുടെ ചോദ്യം. തന്റെ ജീവിതത്തിൽ ഒരിക്കൽ കൂടെ വേണമെന്ന് ആഗ്രഹിക്കുന്ന ദിവസങ്ങൾ നിരവധിയുണ്ട് എന്നാൽ അതിൽ പെട്ടെന്ന് തോന്നുന്ന ഒന്ന് ദേശീയ അവാര്ഡ് ലഭിച്ച ദിവസമെന്നാണ് ജോമോൾ പറഞ്ഞത്.
ജാനകി കുട്ടി എന്ന സിനിമയിലെ അഭിനയത്തിന് പുരസ്കാരം വാങ്ങുമ്പോള് അത് എത്രത്തോളം വലിയ പുരസ്കാരമാണെന്ന് തിരിച്ചറിയാനുള്ള പക്വത തനിക്കില്ലായിരുന്നു. ഇന്നാണെങ്കില്, ഒരിക്കല് കൂടെ കിട്ടിയിരുന്നുവെങ്കില് എന്ന് ആഗ്രഹിക്കുന്നു എന്നാണ് താരം പറഞ്ഞത്. ജീവിതത്തിൽ നിന്ന് മായ്ക്കാൻ ആഗ്രഹിക്കുന്ന ദിവസത്തെ കുറിച്ച് ചോദിച്ചപ്പോൾ അച്ഛന് വയ്യാതെയായ സമയമാണ് ജോമോൾ പറഞ്ഞത്.' എന്റെ ജീവിതത്തിലെ ഏറ്റവും മോശം ദിവസം അച്ഛന് അസുഖം അധികമായ ആ ഒരു ആഴ്ച കാലമാണ്. പല സമയത്തും എന്റെ ഡാഡി വയ്യാതെയായി ആശുപത്രിയില് അഡ്മിറ്റ് ആയിട്ടുണ്ട്. ഡാഡിയ്ക്ക് കാര്ഡിയാക് അറസ്റ്റ് ആയ ദിവസം. അതിന്റെ തലേ ദിവസം ഞങ്ങള് എല്ലാവരും ഒരുമിച്ചിരുന്ന് ഒരുപാട് സന്തോഷിച്ചിരുന്നു. അന്ന് അച്ഛന് നെഞ്ചിലും ബാക്കിലും എല്ലാം വേദന പോലെ വന്നിരുന്നു. ആശുപത്രിയില് പോകാം എന്ന് പറഞ്ഞപ്പോള് ഗ്യാസ് ആണ് എന്ന് പറഞ്ഞു.' 'അന്ന് രാത്രി തന്നെ ഞാന് കോഴിക്കോട് നിന്ന് (അപ്പോള് അച്ഛനും അമ്മയും അവിടെയായിരുന്നു) കൊച്ചിയിലേക്ക് വന്നു. പന്ത്രണ്ട് മണിയായപ്പോഴേക്കും കൊച്ചിയിലെത്തി. വെളുപ്പിന് നാല് മണിയ്ക്ക് കോള് വന്നു. ഞാന് നന്നായി ക്ഷീണിച്ചു കിടക്കുകയായിരുന്നു. എന്റെ ഭര്ത്താവ് ആണ് ഫോണ് എടുത്തത്. ഡാഡിയ്ക്ക് കാര്ഡിയക് അറസ്റ്റ് ആണ് എന്ന് പറഞ്ഞു. അപ്പോള് തന്നെ നേരെ കോഴിക്കോട്ടേക്ക് തന്നെ മടങ്ങി വന്നു. ഡാഡി വെന്റിലേറ്ററിലായിരുന്നു. ആ ഒരാഴ്ച ജീവിതത്തില് ഏറ്റവും മോശപ്പെട്ടതാണെന്നും ജോമോൾ പറഞ്ഞു.
https://www.facebook.com/Malayalivartha
