അടുത്തിടെയാണ് ഗായിക അമൃത സുരേഷും സംഗീത സംവിധായകന്‍ ഗോപി സുന്ദറും അവരുടെ പ്രണയം പരസ്യമാക്കിയത്. ബാലയുമായുള്ള വിവാഹ മോചനത്തിന് ശേഷം വര്‍ഷങ്ങളായി അമൃത സുരേഷ് സ്വന്തം കുടുംബത്തിനും മകള്‍ക്കുമൊപ്പമാണ് താമസം. ഗോപി സുന്ദര്‍ അമൃതയുമായി പ്രണയത്തിലാകും മുമ്ബ് ഗായിക അഭയ ഹിരണ്‍മയിയുമായി പത്ത് വര്‍ഷത്തോളം ലിവിങ് റിലേഷനിലായിരുന്നു.

ഇപ്പോഴിതാ പട്ടായയില്‍ നിന്നുള്ള അവധി ആഘോഷത്തിന്റെ ചിത്രങ്ങള്‍ പങ്കുവെച്ച് എത്തിയിരിക്കുകയാണ് പുതിയ പ്രണയ ജോഡികളായ അമൃതയും ഗോപി സുന്ദറും.
പട്ടായ ഡയറീസ് എന്ന് തലകെട്ട് നല്‍കിയാണ് ഇരുവരും സോഷ്യല്‍മീഡിയയില്‍ കപ്പിള്‍ ചിത്രങ്ങള്‍ പങ്കുവെച്ചിരിക്കുന്നത്. കമന്റ് ബോക്‌സ് ഓഫാക്കിയിട്ടാണ് ഇരുവരും ചിത്രങ്ങള്‍ പങ്കുവെച്ചിരിക്കുന്നത്. ഫോട്ടോ പങ്കുവെച്ചപ്പോള്‍ കമന്റ് ബോക്‌സ് ഓണ്‍ ആയിരുന്നു. പിന്നീടാണ് ഇരുവരും അത് ഓഫാക്കിയത്. പിങ്ക് നിറത്തിലുള്ള ഷോര്‍ട്ട് ഡ്രസ്സാണ് അമൃത ധരിച്ചിരുന്നത്. ടീ ഷര്‍ട്ടും പൈജാമയുമായിരുന്നു ഗോപി സുന്ദറിന്റെ വേഷം. ഫോട്ടോ പോസ്റ്റ് ചെയ്തയുടന്‍ നിരവധി പേര്‍ കമന്റുകളുമായി എത്തിയിരുന്നു. പാപ്പുവിന്റെ ഡ്രസ്സാണോ അമൃത ധരിച്ചിരിക്കുന്നത് തുടങ്ങി കളിയാക്കിക്കൊണ്ടുള്ള നിരവധി മെസേജുകളും ഇരുവരുടേയും ഫോട്ടോയ്ക്ക് വന്നിരുന്നു.
കമന്റുകള്‍ മോശമായി തുടങ്ങിയത് കൊണ്ടായിരിക്കാം ഇരുവരും കമന്റ് ബോക്‌സ് ഓഫാക്കാന്‍ തീരുമാനിച്ചത്. ഗോപി സുന്ദറുമായി ഒരുമിച്ച് ജീവിക്കാന്‍ തുടങ്ങിയതോടെ യാത്രകളും പാട്ടും പരിപാടികളുമായി അമൃത ജീവിതം ആഘോഷമാക്കുകയാണ്. ഇരുവരും കഴിഞ്ഞ ദിവസം വരെ വിദേശത്ത് മ്യൂസിക്ക് പരിപാടികളുമായി തിരക്കിലായിരുന്നു.
അടുത്തിടെ ഗോപി സുന്ദറിനൊപ്പമുള്ള ആദ്യത്തെ ഓണ വിശേഷങ്ങള്‍ പങ്കുവെച്ച് അമൃത എത്തിയിരുന്നു. അമൃതയുടെ സഹോദരി അഭിരാമിയും ഗോപി സുന്ദറിനെ കുറിച്ച് വാചാലയായിരുന്നു. തന്റെ വല്യേട്ടനാണ് ഗോപി സുന്ദര്‍ എന്നാണ് അഭിരാമി പറയുന്നത്.
പ്രൊഫഷണല്‍ ലൈഫില്‍ തന്റെ ഗുരുവാണെന്നും ഗോപി സുന്ദറിനെ കുറിച്ച് അഭിരാമി പറഞ്ഞിട്ടുണ്ട്. താന്‍ ഗോപി സുന്ദറുമായി പ്രണയത്തിലായപ്പോള്‍ തന്നെ മകള്‍ പാപ്പുവിനോട് കാര്യങ്ങള്‍ പറഞ്ഞിരുന്നുവെന്നും ശേഷം അവള്‍ക്കും സമ്മതമായത് കൊണ്ടാണ് ഗോപി സുന്ദറിനൊപ്പം ജീവിക്കാമെന്ന് തീരുമാനിച്ചതെന്നും അമൃത സുരേഷ് പറഞ്ഞിട്ടുണ്ട്.