പോപ്‌കോൺ ആണ് ആദ്യ സിനിമയെങ്കിലും നടിയെ മലയാളികൾക്ക് പരിചയപ്പെടുത്തിയ ചിത്രം തീവണ്ടിയാണ്. ടോവിനോ നായകനായ ചിത്രം സൂപ്പർ ഹിറ്റായിരുന്നു. കൃഷ്ണ നായകനായ കളരി ആണ് നടിയുടെ ആദ്യ തമിഴ് സിനിമ. കന്നഡ, തെലുങ്ക് ഭാഷകളിലും നടി അഭിനയിക്കുന്നുണ്ട്. ഈ വർഷം ആണ് താരം തെലുങ്കിൽ അരങ്ങേറ്റം കുറിച്ചത്. മലയാള സിനിമ അയ്യപ്പനും കോശിയും തെലുങ്കിൽ ഭീമല നായക് എന്ന പേരിൽ വന്നപ്പോൾ സംയുക്തയും സിനിമയിൽ അഭിനയിച്ചു. അടുത്ത ചിത്രം തമിഴിലാണ് വരാനിരിക്കുന്നത്. ധനുഷ് നായകനാവുന്ന വാത്തി ആണ് സംയുക്തയുടെ തമിഴ് സിനിമ. ചിത്രം തെലുങ്കിലും ഒരേ സമയം വരുന്നുണ്ട്. ഇപ്പോഴിതെ ജീത്തു ജോസഫ് സംവിധാനം ചെയ്യുന്ന മോഹൻലാൽ ചിത്രം റാമിന്റെ ലൊക്കേഷനിൽ നിന്ന് പകർത്തിയ ചിത്രം പങ്കുവച്ചിരിക്കുകയാണ് സംയുക്ത മേനോൻ. മനോഹരമായ ചിത്രം പകർത്തിയത് ആരെന്ന് അന്വേഷിച്ച ആരാധകരുടെ കണ്ണുടക്കിയത് അടിക്കുറിപ്പിലായിരുന്നു. കാമറ ചിഹ്നത്തിനു നേരെ മോഹൻലാൽ എന്നു സംയുക്ത കുറിച്ചിട്ടുണ്ട്. ഫോട്ടോഗ്രാഫറെ അഭിനന്ദിച്ചുകൊണ്ടുള്ള കമന്റുകൾ പോസ്റ്റിനു താഴെ നിറയുന്നു. കഴിഞ്ഞദിവസം മോഹൻലാലും ഒന്നിച്ചുള്ള ചിത്രം ഇന്ദ്രജിത്ത് പങ്കുവച്ചിരുന്നു. റാമിന്റെ ലണ്ടൻ ഷെഡ്യൂളിൽ മോഹൻലാൽ, ഇന്ദ്രജിത്ത്, പ്രിയങ്ക നായർ, സംയുക്ത മേനോൻ എന്നിവരാണ് താരങ്ങൾ.