ഇത്രയും സിമ്പിളായി ആവാര്ഡ് വാങ്ങാനെത്തിയ ആരും കാണില്ല...
വില്ലനായും സഹ നടനായും നായകനായും ഹാസ്യ നടനായുമെല്ലാം കഴിഞ്ഞ മുപ്പത് വര്ഷത്തോളമായി മലയാള സിനിമയില് നിറഞ്ഞ് നില്ക്കുന്ന നടനാണ് ബിജു മേനോന്. മലയാളം, തമിഴ്, തെലുങ്ക് അടക്കം ഏകദേശം നൂറ്റി അറുപതോളം സനിമകളില് താരം അഭിനയിച്ചു കഴിഞ്ഞു. ഇപ്പോഴിതാ സൈമ അവാര്ഡ് 2022വില് മികച്ച നടനുള്ള ക്രിട്ടിക്സ് അവാര്ഡ് ഏറ്റുവാങ്ങുന്ന ബിജു മേനോന്റെ വീഡിയോയാണ് വൈറലാകുന്നത്. തെന്നിന്ത്യ ഒട്ടാകെ ഒഴുകിയെത്തിയ ചടങ്ങില് സൂപ്പര്താരങ്ങളും തെന്നിന്ത്യന് താരറാണിമാരുമെല്ലാം അണിനിരന്നിരുന്നു.
താരങ്ങളെല്ലാം തന്നെ വിലപിടിപ്പുള്ള കോട്ടും സ്യൂട്ടും ഗൗണും ഫാന്സി സാരികളുമെല്ലാം ധരിച്ചാണ് ചടങ്ങില് പങ്കെടുക്കാനെത്തിയത്. പക്ഷെ ഇവരില് നിന്നെല്ലാം വ്യത്യസ്തമായി നടന് ബിജു മേനോന് വളരെ സിംപിളായാണ് ചടങ്ങില് പങ്കെടുക്കാനെത്തിയത്. കറുത്ത നിറത്തിലുള്ള മുണ്ടും സിപിംളായുള്ള കറുത്തൊരു ബെനിയനുമായിരുന്നു ബിജു മേനോന്റെ വേഷം.
നര കയറിയ താടി പോലും കറുപ്പിക്കാതെ എത്തിയ നടന്റെ സിംപ്ലിസിറ്റി ആരാധകര്ക്കും ഇഷ്ടപ്പെട്ടു. മാത്രമല്ല പച്ച മലയാളത്തില് അസ്സലൊരു സിംപിള് പ്രസംഗവും ബിജു മേനോന് നടത്തി. ആര്ക്കറിയാം എന്ന സിനിമയിലെ പ്രകടനമാണ് ബിജു മേനോനെ പുരസ്കാരത്തിന് അര്ഹനാക്കിയത്. പാര്വതി, ഷറഫുദ്ദീന് തുടങ്ങിയവരാണ് ചിത്രത്തില് മറ്റ് പ്രധാന വേഷങ്ങളില് അഭിനയിച്ചത്. അടുത്തിടെ മികച്ച സഹനടനുള്ള ദേശീയ പുരസ്കാരവും ബിജു മേനോന് ലഭിച്ചിരുന്നു. അയ്യപ്പനും കോശിയും എന്ന സിനിമയിലെ പ്രകടനമാണ് ബിജു മേനോനെ ദേശീയ പുരസ്കാരത്തിന് അര്ഹനാക്കിയത്. മാത്രമല്ല സംസ്ഥാന പുരസ്കാരവും ബിജു മേനോന് ലഭിച്ചിരുന്നു.
സൈമ പുരസ്കാരം കരിയറില് ആദ്യമായാണ് ബിജു മേനോന് ലഭിച്ചത്. ഒരു തെക്കന് തല്ല് കേസാണ് ഏറ്റവും അവസാനം പ്രേക്ഷകരിലേക്ക് എത്തിയ ബിജു മേനോന് സിനിമ. എണ്പതുകളിലെ ഒരു തീരദേശ ഗ്രാമത്തില് നടക്കുന്ന വൈകാരികമായ സംഭവ വികാസങ്ങളെ മാസും ആക്ഷനോടും കൂടിയാണ് സംവിധായകന് ഈ ചിത്രത്തില് അവതരിപ്പിച്ചിരിക്കുന്നത്.
https://www.facebook.com/Malayalivartha
