വില്ലത്തി കഥാപാത്രത്തിലൂടെ മിനിസ്ക്രീൻ പ്രേക്ഷകരുടെ ഇഷ്ടം നേടിയെടുത്ത നടിയാണ് അർച്ചന സുശീലൻ. ഏഷ്യാനെറ്റിൽ സംപ്രേഷണം ചെയ്തിരുന്ന എന്റെ മാനസപുത്രി എന്ന സീരിയലിലെ ഗ്ലോറി എന്ന കഥാപാത്രമാണ് അർച്ചനയ്ക്ക് നിറയെ ആരാധകരെ നേടിക്കൊടുത്തത്. പിന്നീട് നിരവധി സീരിയലുകളിൽ അഭിനയിച്ചെങ്കിലും ബിഗ് ബോസ് സീസൺ ഒന്നിലെത്തിയപ്പോഴാണ് അർച്ചനയെ കൂടുതൽ പ്രേക്ഷകർ അറിഞ്ഞത്. ഇക്കഴിഞ്ഞ ഡിസംബറിലാണ് അർച്ചന വീണ്ടും വിവാഹിതയായത്. പ്രവീൺ നായരാണ് അർച്ചനയെ വിവാഹം ചെയ്തത്. യുഎസിൽ വെച്ച് നോർത്ത് ഇന്ത്യൻ രീതിയിലായിരുന്നു വിവാഹ ചടങ്ങുകൾ നടന്നത്. വിവാഹ ചിത്രങ്ങൾ അർച്ചന ഇൻസ്റ്റഗ്രാമിൽ പോസ്റ്റ് ചെയ്തപ്പോഴാണ് ആരാധകർ ഇക്കാര്യം അറിഞ്ഞത്.

തന്റെ ജീവിതത്തിൽ പ്രവീണിനെ ലഭിച്ചതിൽ താൻ വളരെ ഭാഗ്യവതിയാണെന്നും തനിക്ക് സന്തോഷവും സ്നേഹവും തന്നതിന് പ്രവീണിനോട് നന്ദിയെന്നും അർച്ചന പറഞ്ഞിരുന്നു. അഭിനയമൊക്കെ വിട്ട് യുഎസിൽ സ്ഥിര താമസമാക്കിയ അർച്ചനയുടെ പുതിയ വിശേഷങ്ങളാണ് ഇപ്പോൾ വൈറലാകുന്നത്. രണ്ടാം വിവാഹത്തിന് ശേഷമുള്ള ആദ്യ നവരാത്രി ആഘോഷമാക്കിയ സന്തോഷമാണ് അർച്ചന പങ്കുവെച്ചിരിക്കുന്നത്. ഭര്‍ത്താവിനൊപ്പം ചേര്‍ന്ന് നിന്നുള്ള ചിത്രങ്ങളായിരുന്നു കഴിഞ്ഞ ദിവസം താരം പോസ്റ്റ് ചെയ്തത്. കുടുംബസമേതമുള്ള ഫോട്ടോയും താരം പങ്കുവെച്ചിരുന്നു. ജീവിതത്തില്‍ ആദ്യത്തെ ധാണ്ഡിയ എക്‌സ്പീരിയന്‍സിന്റെ വീഡിയോയും താരം പങ്കിട്ടിരുന്നു. ഭര്‍ത്താവിനൊപ്പമുള്ള യാത്രയുടെ വീഡിയോയും താരം പോസ്റ്റ് ചെയ്തിരുന്നു. ഇതിനകം തന്നെ അര്‍ച്ചനയുടെ വിശേഷങ്ങളെല്ലാം വൈറലായിക്കഴിഞ്ഞിട്ടുണ്ട്. 'ഇനിയൊരു വിവാഹം വേണ്ടെന്ന നിലപാടിലായിരുന്നു ഞാന്‍. എന്നാല്‍ ലോക്ക് ഡൗണ്‍ സമയത്തായിരുന്നു ചിന്താഗതിയില്‍ മാറ്റങ്ങള്‍ വന്നത്. മാട്രിമോണിയല്‍ സൈറ്റിലൂടെയായാണ് പ്രവീണിനെ പരിചയപ്പെട്ടത്. അദ്ദേഹത്തിന് നന്നായി ഹിന്ദി അറിയാമായിരുന്നു.' 'ആദ്യം സംസാരിക്കുമ്പോള്‍ മുതല്‍ത്തന്നെ പോസിറ്റീവായൊരു വൈബ് കിട്ടിയിരുന്നു. അങ്ങനെയാണ് ഒന്നിച്ച് ജീവിക്കാനായി തീരുമാനിച്ചത് വിവാഹത്തെക്കുറിച്ച് അന്ന് അര്‍ച്ചന പറഞ്ഞത് ഇങ്ങനെയായിരുന്നു. അഭിനയത്തില്‍ നിന്നും മാറി നില്‍ക്കേണ്ട സാഹചര്യം വന്നതിനാലാണ് ബ്രേക്കെടുത്തത്. അഭിനയം വേണോ കുടുംബം വേണോ എന്ന് ചോദിച്ചാല്‍ കുടുംബത്തിനാണ് താന്‍ പ്രഥമ പരിഗണന നല്‍കുന്നതെന്നും താരം വ്യക്തമാക്കിയിരുന്നു.രണ്ടാം വിവാഹ​ത്തോടെയാണ് അഭിനയത്തിൽ നിന്നും അർച്ചന ബ്രേക്കെടുത്തത്. കേരളത്തിലേക്ക് ഇനിയൊരു തിരിച്ചുവരവില്ലെന്നും പൂര്‍ണമായും യുഎസിലേക്ക് മാറിയെന്നും മുമ്പൊരിക്കൽ താരം പറഞ്ഞിരുന്നു.