അമല എന്ന സീരിയലിലൂടെയാണ് വരദയ്ക്ക് കരിയര്‍ ബ്രേക്ക് ലഭിച്ചത്. ഈ സീരിയലില്‍ വില്ലനായി അഭിനയിച്ചത് ജിഷിന്‍ മോഹനാണ്. വില്ലനും നായികയും സ്‌ക്രീനില്‍ അടിപിടിയാണെങ്കിലും, യഥാര്‍ത്ഥ ജീവിതത്തില്‍ പ്രണയ ജോഡികളായി. 2014 ല്‍ ആണ് ഇരുവരുടെയും പ്രണയ വിവാഹം നടന്നത്. ഒരേ ഒരു മകനാണ് ഇരുവര്‍ക്കും ഉള്ളത്. ജിഷിന് ഒപ്പമുള്ള ഫോട്ടോകളും വീഡിയോകളും പങ്കുവച്ചില്ല എങ്കിലും, മകനൊപ്പമുള്ള ഫോട്ടോകളും വീഡിയോകളും വരദ നിരന്തരം സോഷ്യല്‍ മീഡിയയില്‍ പങ്കുവയ്ക്കാറുണ്ട്. എന്നാൽ അടുത്തിടെയായി വരദയും ജിഷിന്‍ മോഹനും വിവാഹ മോചിതരായി എന്ന വാര്‍ത്തയാണ് പ്രചരിക്കുന്നത്. ജിഷിനും വരദയും വിവാഹ മോചിതരായി. ജിഷിന് ഒപ്പമുള്ള ഫോട്ടോകള്‍ എല്ലാം വരദ തന്റെ ഇന്‍സ്റ്റഗ്രാം പേജില്‍ നിന്നും ഡിലീറ്റ് ചെയ്തു എന്നിങ്ങനെയുള്ള കാര്യങ്ങള്‍ക്ക് ഒപ്പമാണ് വിവാഹ മോചിതരായി എന്ന വാര്‍ത്തകള്‍ പ്രചരിയ്ക്കുന്നത്. എന്നാൽ വിവാഹമോചനം നിരസിക്കുകയോ ശരിവെക്കുകയോ ചെയ്തില്ലെങ്കിലും വാർത്തകൾക്കെതിരെ രണ്ടുപേരും രംഗത്ത് എത്തിയിരുന്നു. എന്നാലിപ്പോഴിതാ ഇവരുടെ മറ്റൊരു വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത്. അമല പരമ്പരയുടെ സെറ്റിൽ വെച്ച് തങ്ങൾ എങ്ങനെയാണു പ്രണയത്തിലായത് എന്ന് ഇരുവരും പറയുന്നതാണ് വീഡിയോ.

അമൃത ടിവിയിലെ റെഡ് കാർപെറ്റ് എന്ന പരിപാടിയിൽ അതിഥികൾ ആയി എത്തിയപ്പോഴാണ് ജിഷിനും വരദയും ഇക്കാര്യം പറഞ്ഞത്. ഗുജറാത്തുക്കാരിയായ വരദയെ ജിഷിൻ എങ്ങനെയാണു സ്വന്തമാക്കിയത് എന്ന അവതാരകയുടെ ചോദ്യത്തോട് പ്രതികരിക്കുകയായിരുന്നു. ഡയറക്ടർ ഒപ്പിച്ച പണിയാണ് അതെന്ന് ആയിരുന്നു ജിഷിന്റെ മറുപടി. താരങ്ങളുടെ വാക്കുകളിലേക്ക്. 'അമല ചെയ്യുന്ന സമയത്ത് ഞാൻ വില്ലനും ഇവൾ നായികയുമാണ്. ഡയറക്ടർ പറ്റിച്ച പണിയാണ്. പുള്ളി എന്താണ് ചെയ്തതെന്ന് വെച്ചാൽ അയാൾ എന്നോട് പറഞ്ഞു, 'ജിഷിനെ അവൾക്ക് നിന്നെ ഒരു നോട്ടമുണ്ടെന്ന്,' ഞാൻ ഒന്ന് ചുമ്മാ ഇരുന്നെടാ എന്ന് പറഞ്ഞു വിട്ടു. പിന്നെ ഞാൻ നോക്കുമ്പോൾ ഇവൾ എന്നെ നോക്കുന്നു. പിന്നീട് കൂടുതൽ അടുത്തപ്പോഴാണ് ഞാൻ ആ നഗ്നസത്യം മനസിലാക്കുന്നത്. ഡയറക്ടർ ഇവളോടും എന്നോട് പറഞ്ഞത് തന്നെ പറഞ്ഞിട്ടുണ്ടായി,' 'ഇവൾ നോക്കുന്നുണ്ടോ എന്ന് ഞാനും, ഞാൻ നോക്കുന്നുണ്ടോ എന്ന് ഇവളും നോക്കുന്നത് ആണ് പിന്നെ കാണുന്നത്. അങ്ങനെ നോക്കി പോയതാണ് നമ്മൾ,' ജിഷിൻ പറഞ്ഞു. 'ആദ്യം ഞാൻ കാണുമ്പോൾ ഒരുമാതിരി നോട്ടം ആയിരുന്നു. അലമ്പ് നോട്ടം ആയിരുന്നു. ഇത് എന്താണ് എന്ന് ഞാൻ കരുതി. അഭിനയിക്കുകയാണോ ജീവിക്കുകയാണോ എന്ന് മനസിലായില്ല. അത് എനിക്ക് ഇഷ്ടമായില്ല. അതിൽ നിന്നാണ് കഥയൊക്കെ അറിഞ്ഞ് പ്രണയത്തിലാവുന്നതെന്നുമായിരുന്നു വരദ പറഞ്ഞത്.