തമിഴ് സീരിയല്‍ പ്രേക്ഷകര്‍ക്ക് ഏറ്റവും പ്രിയങ്കരിയായ നടിയാണ് ദിവ്യ ശ്രീധര്‍. നടിയുടെ വ്യക്തി ജീവിതവുമായി ബന്ധപ്പെട്ട നിരവധി കഥകളാണ് പുറത്ത് വന്നത്. സീരിയല്‍ നടനായ അര്‍ണവുമായി ദിവ്യ ഇഷ്ടത്തിലായിരുന്നു. ഇരുവരും ലിവിങ് റിലേഷനിലാണെന്നും കഥകള്‍ വന്നിരുന്നു. അങ്ങനെ താരങ്ങളുടെ വിവാഹവുമായി ബന്ധപ്പെട്ട വിശേഷങ്ങള്‍ ചര്‍ച്ചയായി മാറിയിരുന്നു. എന്നാല്‍ അര്‍ണവിനെതിരെ ഗുരുതര ആരോപണവുമായി കഴിഞ്ഞ ദിവസം ദിവ്യ  രംഗത്ത് വന്നതോടെയാണ് തമിഴ് സീരിയല്‍ ലോകത്ത് വില്ലത്തിയായി മലയാളത്തിന്റെ സ്വന്തം നായിക അന്‍ഷിത മാറിയത്. കൂടെവിടെ സീരിയലിലൂടെ പ്രേക്ഷക പ്രിയം നേടിയ അന്‍ഷിയുടെ ആദ്യത്തെ തമിഴ് സീരിയല്‍ ആണ് ചെല്ലമ്മ. ഈ ഷൂട്ടിങ് സെറ്റില്‍ നടന്ന ചില സംഭവ വികാസങ്ങളുടെ പേരിലാണ് ചിലര്‍ അന്‍ഷിതയ്ക്ക് നേരെ കള്ള ആരോപണങ്ങളുമായി രംഗത്ത് എത്തിയിരിക്കുന്നത്. അർണവ്-ദിവ്യ വിഷയം വളരെ വലിയ രീതിയിൽ ചർച്ച ചെയ്യപ്പെടാൻ തുടങ്ങിയത് മുതൽ അൻഷിത തന്റെ സോഷ്യൽമീഡിയ പ്രൊഫൈലുകളെല്ലാം പ്രൈവറ്റാക്കി വെച്ചിരിക്കുകയായിരുന്നു. കമന്റ് ബോക്സും ഓഫാക്കിയിരുന്നു. ഇപ്പോഴിത ദിവസങ്ങൾക്ക് ശേഷം അൻഷിത തന്റെ സോഷ്യൽമീഡിയ അക്കൗണ്ടുകൾ പബ്ലിക്കാക്കിയിരിക്കുകയാണ്. ഒപ്പം തന്നെ കുറ്റപ്പെടുത്തിയവർക്കും പരിഹസിച്ചവർക്കുമുള്ള മറുപടിയെന്നോണം ഒരു കുറിപ്പും അൻഷിത പങ്കുവെച്ചിട്ടുണ്ട്. ചെല്ലമ്മ ​ഗെറ്റപ്പിലുള്ള ചിത്രം പങ്കുവെച്ചുകൊണ്ടായിരുന്നു അൻഷിതയുടെ പോസ്റ്റ്. അതിൽ ഇങ്ങനെ എഴുതിയിരുന്നു.... 'നിങ്ങൾക്ക് എന്റെ പ്രതിച്ഛായയെ കൊല്ലാനാവും... എന്നാൽ എന്നിലെ പോരാളിയെ നിങ്ങൾക്ക് ഒരിക്കലും ജയിക്കാനാവില്ല' എന്നാണ് അൻഷിത കുറിച്ചത്. പോസ്റ്റ് വൈറലായതോടെ നിരവധി പേർ അൻഷിതയ്ക്ക് ആത്മവിശ്വാസം പകരുന്ന വാക്കുകളുമായി എത്തി. 'മുന്നോട്ട് പോകൂ ഡിയർ' എന്നാണ് നടനും അവതാരകനുമായ അനൂപ് അൻഷിതയ്ക്ക് അനുകൂലമായി കുറിച്ചത്. 'ഒന്നായിരിയ്ക്കാം, ഐ ലവ് യു, നിനക്ക് വേണ്ടി സന്തോഷത്തോടെ ഇരിക്കാം' എന്നിങ്ങനെയൊക്കെയാണ് ഫോട്ടോയ്ക്ക് അൻഷിത നൽകിയ ഹാഷ്ടാഗുകള്‍. അൻഷിതയുടെ പോസ്റ്റിന് അര്‍ണവ് ലൈക്ക് അടിക്കുകയും ചെയ്തിട്ടുണ്ട്.